ଗିଜୁଭାଇଙ୍କ ଶିକ୍ଷାଦର୍ଶନ
ପ୍ରାଥମିକ ଶିକ୍ଷାର ପ୍ରସାର: ଅନ୍ୟ ଅନୁଷ୍ଠାନ ଓ ଅଭିଭାବକ
ସମ୍ପାଦନା - ନିଖିଳମୋହନ ପଟ୍ଟନାୟକ
ଚିତ୍ର - 'ବ୍ରିଟନ୍ ମଦର୍ ଆଣ୍ଡ୍ ଚାଇଲ୍ଡ଼୍' (୧୮୯୪) ଚିତ୍ରକର - ରବର୍ଟ ବିଭାନ୍ (୧୮୬୫-୧୯୨୫) |
ଗିଜୁଭାଇଙ୍କ
ନାଁ ଚାରିଆଡ଼େ ବ୍ୟାପିବାରେ
ଲାଗିଥିଲା । ସେଥିପାଇଁ ଅନ୍ୟ
ଅନୁଷ୍ଠାନ ସବୁ ତାଙ୍କ ଶିକ୍ଷକଙ୍କ
ସହ ଏହି ନୂଆ ଶିକ୍ଷା ପଦ୍ଧତି
ବିଷୟରେ ଆଲୋଚନାର ବ୍ୟବସ୍ଥା
କରୁଥିଲେ ।
କିନ୍ତୁ
ଯେ ପର୍ଯ୍ୟନ୍ତ ବାପା ମା’ମାନେ
ଏହି ନୂଆ ଶିକ୍ଷା ପଦ୍ଧତିକୁ ଗ୍ରହଣ
ନକରିବେ, ସେ ଯାଏଁ ଏହା ସଫଳ ହୋଇପାରିବ
ନାହିଁ । ବାପା ମା’ଙ୍କୁ ବି ଏହି
ଶିକ୍ଷାରେ ଆଗ୍ରହୀ କରାଇବା
ଶିକ୍ଷକମାନଙ୍କର ଦାୟିତ୍ୱ ବୋଲି
ଗିଜୁଭାଇ ଭାବୁଥିଲେ । ତେଣୁ ସେ
ବାପା ମା’ଙ୍କ ପାଇଁ ସଭା ଆୟୋଜନ
କରି ପିଲାକୁ ନମାରିବାକୁ,
ସଫା
ପୋଷାକ ପିନ୍ଧାଇବାକୁ ବୁଝାଉଥିଲେ ।
ଘରେ ପିଲା କ'ଣ କରିବା ଉଚିତ ବାହାରେ
ଖାଲିରେ କାହିଁକି ବୁଲିବା ଉଚିତ
ନୁହେଁ, ସେ
ବିଷୟରେ ମଧ୍ୟ ମା’ମାନଙ୍କ ସହ
ଆଲୋଚନା କରୁଥିଲେ ।
ମା’ମାନେ
ବେଶ୍ ଶୀଘ୍ର ଗିଜୁଭାଇଙ୍କ କଥା
ମାନ ନେଉଥିଲେ । କିନ୍ତୁ ବାପାମାନେ
ସହଜରେ ମାନୁନଥିଲେ । ପିଲାର ଶିକ୍ଷା
ପାଇଁ ଉଭୟ ବାପା ଓ ମା ଏହାକୁ ଗ୍ରହଣ
କରିବା ଜରୁରୀ ଥିଲା । ଗିଜୁଭାଇ
ପିଲାର ପରିବେଶ ଓ ପରିବାର ବିଷୟରେ
ଅନୁଧ୍ୟାନ କରିବା ପାଇଁ ସେମାନଙ୍କ
ଘରକୁ ଯାଉଥିଲେ । ସେଠାରେ ସେ ବାପା
ମା’ଙ୍କ ସମସ୍ୟା ଶୁଣୁଥିଲେ ଓ
ଆଲୋଚନା କରୁଥିଲେ ।
ବି.ଦ୍ର.: ଏହି ଲେଖାଟି 'ଗିଜୁଭାଇ ଶିକ୍ଷା ନିଧି' ବହିରୁ ଆନୀତ । ଏହି ପୁସ୍ତକଟି ଭୁବନେଶ୍ୱରର ଜାଗମରା ଠାରେ ସ୍ଥିତ 'ସୃଜନିକା' ସଂସ୍ଥାଙ୍କ ଦ୍ୱାରା ୨୦୦୫ ମସିହାର ମାର୍ଚ୍ଚ ମାସରେ ଛପା ଯାଇଥିଲା । ବହିଟିର ସମ୍ପାଦକ ହେଲେ ନିଖିଳ ମୋହନ ପଟ୍ଟନାୟକ । ବହିଟିର ଓଡ଼ିଆ ଉପସ୍ଥାପନା କରିଛନ୍ତି ପୁଷ୍ପଶ୍ରୀ ପଟ୍ଟନାୟକ, ମମତା ସେନାପତି ତଥା ପଦ୍ମଜା ନନ୍ଦିନୀ ସାହୁ । ପୁସ୍ତକଟି ଭୁବନେଶ୍ୱରର ଆଚାର୍ଯ୍ୟ ବିହାର ସ୍ଥିତ ଶୋଭନ ସଂସ୍ଥା ଛପାଇ ଥିଲେ । ବହିଟିର ଏହି ସଂସ୍କରଣଟିର ଦାମ ଥିଲା ଷାଠିଏ ଟଙ୍କା ।
No comments:
Post a Comment