ପିଲାଙ୍କ ରଜ ଦୋଳି ଗୀତ - 'ଆକାଶରେ ମେଘ ଲୋ'
ସଙ୍ଗ୍ରାହକ - ରାମକୃଷ୍ଣ ନନ୍ଦ
 |
| ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ଆକାଶରେ ମେଘ ଲୋ
ହେଲା ରଜ ପାଗ,
ଆମ୍ବଗଛରେ ଦୋଳି ଝୁଲେ ରେ
କିଏ ଝୁଲିବ ଆଗ ଲୋ
ନେବ ସୁନାପାଗ ।
ଚକୁଳି ଚିତଉ ଲୋ ଘିଅପିଠା ଜାଉ,
ଭାଇଭଉଣୀ, ସାଥୀମିତଣୀ
ଖାଅ ସରିଯାଉ ଲୋ,
ତଟକା ହେବ ଆଉ ।
ରଜ ଦୋଳି ମଜା ଲୋ
ସଜ ଚିଜ ମଜା
ବାସି ଜିନିଷ ଖାଇଲେ
ବଇଦ ହୁଏ ଖୋଜା ଲୋ
ସଜରେ ଦେହ ତାଜା ।
ଉତ୍ସ - ରାମକୃଷ୍ଣ ନନ୍ଦ କୃତ 'ଓଡ଼ିଆ ଶିଶୁ ସାହିତ୍ୟ ସଙ୍କଳନ' । ୨୦୦୮ (୧୯୮୪) ଭୁବନେଶ୍ୱର : ପ୍ରକାଶକ, ଓଡ଼ିଶା ସାହିତ୍ୟ ଏକାଡ଼େମୀ ।
No comments:
Post a Comment