ବାବର ମୂର୍ତ୍ତି
ଜ୍ୟୋତି ନନ୍ଦ
ଉଜବେକିସ୍ତାନର ଆନ୍ଦିଜନ ସହରର ବାବର ଠକର ଦୃଶ୍ୟ (ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍) |
ବାବରଙ୍କର
ବ୍ୟତୀତ ଅନ୍ୟ କୌଣସି ମୋଗଲ ଜହାଁପନାଙ୍କର ଏହିପରି ଭାସ୍କର୍ଯ୍ୟ ରହିଥାଇ ପାରେ । ଜାଣିଲେ
କୃତଜ୍ଞ ହେବି । ମୋଗଲ
ସମ୍ରାଟ ମାନେ ନିଜର ତୈଳଚିତ୍ର
ପାଇଁ ଅନୁମତି ଦେଉଥିଲା ବେଳେ
ନିଜର ଭାସ୍କର୍ଯ୍ୟ ପାଇଁ ଆଗଭର
ହେଉ ନ ଥିଲେ । ଏହା ପଛରେ ଇସଲାମ୍
ଧର୍ମରେ ପିତୁଳା ନିଷେଧ ପ୍ରମୁଖ
କାରଣ ବୋଲି ଗ୍ରହଣ କରା ଯାଇ ପାରେ ।
ଉଜବେକିସ୍ତାନର
ଆଣ୍ଡିଜାନ ନାମକ ସ୍ଥାନରେ ଏହି
ସ୍ଥାପତ୍ୟଟି ବିରାଜିତ । ସ୍ଥାପତ୍ୟଟି
ମୋଗଲ ଶାସନର ୧୫୨୬ ଖ୍ରୀଷ୍ଟାବ୍ଦରେ ଭାରତରେ ପ୍ରତିଷ୍ଠାତା
ଜହିରୁଦ୍ଦିନ ମହମ୍ମଦ ବାବରଙ୍କର ।
ଭାରତରେ
ବାବର ନିହାତି ସୁପରିଚିତ।ତାଙ୍କର
ଆତ୍ମଜୀବନୀ ତୁଝକ୍-ଇ-ବାବରି
ରେ ସେ ଭାରତୀୟ ମାନଙ୍କୁ ନିହାତି
ଅସୁନ୍ଦର ବୋଲି ବର୍ଣ୍ଣନା କରିଛନ୍ତି । ଦୟା କରି
ଏତେ କାଳ ପରେ ଏହାକୁ ନେଇ ଗୋଳ
କରିବାରେ ଆମର ଅସୁନ୍ଦର ପଣ ବେଶି
ଦେଖା ଯିବ ।
ଛଅଫୁଟରୁ
ଅଧିକ ଉଚ୍ଚତା ବିଶିଷ୍ଟ ଗୌରାଙ୍ଗ
ଏବଂ ସୁନ୍ଦର ଏହି ବିଚକ୍ଷଣ ସେନାନାୟକଙ୍କୁ ସାମ୍ନାର ଅପେକ୍ଷାକୃତ
କ୍ଷୁଦ୍ରକାୟ ଶ୍ୟାମାଙ୍ଗମାନେ
ଅସୁନ୍ଦର ମନେ ହୋଇ ପାରି ଥାଆନ୍ତି । ସେଇଥି ପାଇଁ
ସେ ହୁଏତ ଭାରତର ଶାସନ କର୍ତ୍ତା
ହେଲେ ବି, ଏକେଣା ଜାଗା ଲାହୋରରେ
ନିଜର ରାଜଧାନୀ ରାଜଧାନୀ ପ୍ରତିଷ୍ଠା
କରିଥିଲେ । କିଏ ଜାଣେ ?
ସମ୍ରାଟ ବାବର (ୱିକିମିଡିଆ କମନ୍ସ୍) |
ବାବର
କିନ୍ତୁ ଭାରତୀୟମାନଙ୍କୁ ଅସୁନ୍ଦର
ବୋଲି କହିବାର ଗୋଟିଏ ପରିଷ୍କାର
ମାପକାଠି ତିଆରି କରିଛନ୍ତି ତାଙ୍କ
ଆତ୍ମକଥାରେ । ସେଇଟି ହେଲା ଭାରତୀୟ
ମାନେ ତରଭୁଜ ବୋଲି ଗୋଟିଏ ସ୍ୱର୍ଗୀୟ
ଫଳ ଅଛି ବୋଲି ଜାଣନ୍ତି ନାହିଁ; ଆଉ ଏଡିକି ଅସୁନ୍ଦର ସେମାନେ ଯେ
ଜନ୍ନତ୍ର ସବୁଠାରୁ ସୁନ୍ଦରତମ
ବସ୍ତୁଟି ସମ୍ପର୍କରେ ତାଙ୍କର
ଆଦୌ ଧାରଣା ନାହିଁ ।
ବାବରଙ୍କର
ସେଇ ସୁନ୍ଦରତମ ବସ୍ତୁଟି ହେଲା
ଗୋଲାପ ଫୁଲ । ଅବଶ୍ୟ ଆମେ ଏ କଥା ଯୁକ୍ତି କରି ପାରିବା
ନାହିଁ ଯେ ଆମର ଗୋଟିଏ ବେମାରି
ଥିଲା ସେତେବେଳେ । ଫୁଲକୁ ଦେଖିଲେ
ଆମେ ଘଡ଼ିକୁ ଘଡ଼ି ମୁର୍ଛା ଯାଉ ଥିଲୁ । ବାବର ଏ
କଥା ଜାଣନ୍ତି ନାହିଁ । ବହୁତ କିସମର
ବେମାରିର କଥା କିଏ ସାହସ କରି
ଜହାଁପନ୍ନାଙ୍କୁ ବଖାଣିବ ?
ଆନ୍ଥୋଫୋବିଆ
ବୋଲି ଗୋଟିଏ ଅସୁଖ ଅଛି । ସେଇ ଥିରେ
ଯେଉଁମାନେ ଅସୁସ୍ଥ, ସେମାନେ ଫୁଲକୁ
ଭୟ ପାଆନ୍ତି । ଫୁଲକୁ ପାଖରେ ଦେଖିଲେ
ସେମାନଙ୍କର ଚେତା ବୁଡ଼ିଯାଏ । ଦୁଃଖର
କଥା, ସାଧାରଣ ଲୋକ କିଏ ଏହା ଭୋଗୁଛି
ଅଧୀନକୁ ଜଣା ନାହିଁ । ଦୁଇ ଜଣଙ୍କର
କଥା କୁହାଯାଇ ପାରିବ । ପ୍ରଥମ ଜଣକ
ଫରାସୀ ରାଷ୍ଟ୍ରବିପ୍ଳବ ସମୟର
ଦାର୍ଶନିକ ଭୋଲଟାୟାର୍ । ଆଉ ଆର
ଜଣକ ହେଉଛନ୍ତି ଇଂଲଣ୍ଡର ରାଣୀ
ପ୍ରଥମ ଏଲିଜାବେଥ୍ ।
ପ୍ରଥମ
ଏଲିଜାବେଥ୍ଙ୍କର ଭାରି ଭୟ ଥିଲା
ଫୁଲକୁ, ବିଶେଷତଃ
ଗୋଲାପ ଫୁଲକୁ ।
No comments:
Post a Comment