ଛ ମାଣ ଆଠ ଗୁଣ୍ଠ
କବି - ଜଗନ୍ନାଥ ପ୍ରସାଦ ଦାସ
ଫକୀର ମୋହନ ସେନାପତି (୧୮୪୩-୧୯୧୮) ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍ |
ଫକୀର ମୋହନ ସେନାପତି
ଦେଖିଲେ ତିନି ଦୁଷ୍ଟମତି :
ରାମଚନ୍ଦ୍ର ମଙ୍ଗରାଜ
ଅତି ବଡ଼ ମାମଲାବାଜ ।
ଚମ୍ପା ସାନ୍ତାଣୀ ହରକଳା
ମୁଣ୍ଡରେ ପାପ ବୁଦ୍ଧି ଭରା ।
ତାର ଅନୁଚାରୀ
ଗୋବିନ୍ଦ ଭଣ୍ଡାରୀ ।
ଯାହାକୁ ଯେପରି ଶାସ୍ତି :
ମଙ୍ଗରାଜର ମୁଣ୍ଡ ପିଟି
ଚମ୍ପା ସାନ୍ତାଣୀ ତଣ୍ଟି କାଟି
ଗୋବିନ୍ଦକୁ ଦେଇ କୁମ୍ଭୀର ପାଟି,
ତିନିଙ୍କର କଲେ ପରମଗତି
ଫକୀର ମୋହନ ସେନାପତି ।
ଉତ୍ସ - ଆଳିମାଳିକା । ୧୯୯୩ । ପ୍ରକାଶକ - ସୂଚନା ଓ ପ୍ରସାରଣ ମନ୍ତ୍ରଣାଳୟ, ଭାରତ ସରକାର । ନୂଆଦିଲ୍ଲୀ ।
No comments:
Post a Comment