ପିଲାଙ୍କ ଢଗଢମାଳି - ୭

ସଙ୍କଳନ ଓ ସମ୍ପାଦନା - ଗୋବିନ୍ଦ ଚନ୍ଦ୍ର ଚାନ୍ଦ

ଏଡିନବରାର ଗୋଲକଧନ୍ଦା (ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍)

୩୧

ଅଖାଇ ନାନୀ ଖାଏ ନାହିଁ

ଖାଇଲେ ଦେହରେ ଯ।ଏ ନାହିଁ ।

ଅର୍ଥ - ନିଜେ ଯାହା ନ କରିବା ଏବଂ ଅନ୍ୟକୁ ତାହା କରାଇ ନ ଦେବା । ନିଜର ଭଲମନ୍ଦ ବିଚାର ଆଧାରରେ ଅନ୍ୟକୁ ଦେଖିବା ।

୩୨

ଅଖାଇ ରଙ୍କୁଣୀ ନ ଖାଏ ଭାତ

ମାରି ଦଉଥାଏ ପିହାଣ ସାତ ।

ଅର୍ଥ - ଯିଏ ଖାଇବାକୁ ଭଲ ଜିନିଷ ନ ପାଏ, ସେ ତାହାକୁ ଖାଇବାକୁ ବିକଳ ହୁଏ । 

୩୩

ଅଖାଇ ଅଖରା

ଅଖାଇ ନାନୀ ମାଡ଼ି ବସିଛି ମଝି ବଖରା ।

ଅର୍ଥ - ନିଜର କେଉଁଥିରେ କିଛି ନାହିଁ ବୋଲି ବାହାରକୁ ଦେଖାଇ ହେଉଥିଲେ ମଧ୍ୟ ଅସଲ କଥାରେ ନିଜକୁ ସମ୍ପୃକ୍ତ କରିବା ।  

ବି.ଦ୍ର. - ଏହି ଢଗଢମାଳିଗୁଡ଼ିକ ଗୋବିନ୍ଦ ଚନ୍ଦ୍ର ଚାନ୍ଦଙ୍କର ସଙ୍କଳନ ଓ ସମ୍ପାଦନାରେ ପ୍ରକାଶିତ 'ଓଡ଼ିଆ ଶିଶୁ-କିଶୋର ଢଗଢମାଳି'ରୁ ଆନୀତ । ବହିଟି ନୂଆଦିଲ୍ଲୀସ୍ଥ କେନ୍ଦ୍ର ସାହିତ୍ୟ ଅକାଦେମୀ ୨୦୧୭ ମସିହାରେ ପ୍ରଥମେ ଛାପିଥିଲେ ।