ପିଲାଙ୍କ ଢଗଢମାଳି - ୬
ସଙ୍କଳନ ଓ ସମ୍ପାଦନା - ଗୋବିନ୍ଦ ଚନ୍ଦ୍ର ଚାନ୍ଦ
ଫଟୋ କ୍ରେଡ଼ିଟ୍ - ୱିକିମିଡିଆ କମନ୍ସ୍ |
୨୬
ଅଖଳ ମଖଳ ଚିତ୍ତ ଯା'ର
ପଦ୍ମ ପରି ପୁତ ତା'ର ।
ଅର୍ଥ - ଯେଉଁ ବ୍ୟକ୍ତିର ମନ କୂଟକପଟ ଛନ୍ଦବାଦଠାରୁ ଦୂରରେ ରହେ, ତାହାର ଭବିଷ୍ୟତ ଉଜ୍ଜଳ ହୋଇ ଥାଏ ।
୨୭
ଅଖା ଧୋଉ ଥିବ ଗୁଣ ଗାଉ ଥିବ ।
ଅର୍ଥ - କୌଣସି କାମ ବା କଥାର କୁଫଳ ପାଇଁ ସବୁ ଦିନେ ତା'କୁ ମନେ ପକାଇବା । ଏହା ସାଧାରଣତଃ କୁଫଳର ପରିଣାମକୁ ବୁଝାଏ ।
୨୮
ଅଖା ପଟକ
ଏ ଦେଶରେ ଭାବ ନାହିଁ, ଯିବା କଟକ ।
ଅର୍ଥ - ଦୂର ସ୍ଥାନ ଯାହା ହୋଇ ଥାଉନା କାହିଁକି, ତାହାର ସବୁ ସୁନ୍ଦର ଦିଶେ ।
୨୯
ଅଖାଇ ଖାଇ,
ସବୁ ଜଣା ଯାଏ ଯାତରା ଠେଇଁ ।
ଅର୍ଥ - କିଏ କଅଣ ଖାଏ ବା ନଖାଏ ତାହା ଯାତ୍ରାରେ ଜଣା ପଡ଼େ ।
୩୦
ଅଖାଇ ନାନୀ କରିଚି ଓଷା
ଡୋଲିକ ଚାଉଳ ଓଳିକେ ଖାଇଲା
ଦାନ୍ତ ଅଛି ଦରଘଷା
ଅର୍ଥ - ନିଜେ ସବୁ କିଛି କରି କିଛି ନକରିବା ପରି ନିଜକୁ ଦେଖେଇ ହେବା ।
ବି.ଦ୍ର. - ଏହି ଢଗଢମାଳିଗୁଡ଼ିକ ଗୋବିନ୍ଦ ଚନ୍ଦ୍ର ଚାନ୍ଦଙ୍କର ସଙ୍କଳନ ଓ ସମ୍ପାଦନାରେ ପ୍ରକାଶିତ 'ଓଡ଼ିଆ ଶିଶୁ-କିଶୋର ଢଗଢମାଳି'ରୁ ଆନୀତ । ବହିଟି ନୂଆଦିଲ୍ଲୀସ୍ଥ କେନ୍ଦ୍ର ସାହିତ୍ୟ ଅକାଦେମୀ ୨୦୧୭ ମସିହାରେ ପ୍ରଥମେ ଛାପିଥିଲେ ।
No comments:
Post a Comment