କୁମାରଗୁପ୍ତ ଓ ସ୍କନ୍ଦଗୁପ୍ତ ବିକ୍ରମାଦିତ୍ୟ ତଥା ଗୁପ୍ତଯୁଗରେ ଭାରତର ଅବସ୍ଥା
କେଦାରନାଥ ମହାପାତ୍ର
ଗୁପ୍ତ ସାମ୍ରାଜ୍ୟ ସମୟରେ ନିର୍ମିତ ଲୌହ ସ୍ତମ୍ଭ (ୱିକିମିଡିଆ କମନ୍ସ୍) ବର୍ତ୍ତମାନ ଦିଲ୍ଲୀର କୁତବ୍ କମ୍ପ୍ଲେକ୍ସ ଭିତରେ ସ୍ଥିତ |
କୁମାରଗୁପ୍ତ
ଦ୍ୱିତୀୟ
ଚନ୍ଦ୍ରଗୁପ୍ତଙ୍କ ପରେ ତାଙ୍କ
ପୁତ୍ର କୁମାରଗୁପ୍ତ ଖ୍ରୀ:
୪୧୩
ଠାରୁ ଖ୍ରୀ:
୪୫୫ ପର୍ଯ୍ୟନ୍ତ ରାଜତ୍ୱ କରିଥିଲେ । ସେ ବିଶାଳ
ସାମ୍ରାଜ୍ୟର ଅଧୀଶ୍ୱର ଥିଲେ ଓ
ଗୋଟିଏ ଅଶ୍ୱମେଧ ଯଜ୍ଞ କରିଥିଲେ
।
ସ୍କନ୍ଦଗୁପ୍ତ
ବିକ୍ରମାଦିତ୍ୟ
ସ୍କନ୍ଦଗୁପ୍ତଙ୍କ
ପୂର୍ବରୁ ହୁଣ ନାମକ ଗୋଟିଏ ପାର୍ବତ୍ୟ
ନୃଶଂସ ଜାତି ମଧ୍ୟ-ଏସିଆରୁ
ଭାରତବର୍ଷକୁ ଆସିଥିଲେ । ସେ
ହୁଣମାନଙ୍କୁ ପରାସ୍ତ କରି ଭାରତକୁ
ପୁନର୍ବାର ବିଦେଶୀ ଶତୃମାନଙ୍କ
ହାତରୁ ରକ୍ଷା କରିଥିଲେ । ସେ
ପିତାମହଙ୍କ ତୁଲ୍ୟ ‘ବିକ୍ରମାଦିତ୍ୟ’
ଉପାଧି ଧାରଣ କରିଥିଲେ । ସେ ଖ୍ରୀ:
୪୫୫ରୁ
ଖ୍ରୀ:
୪୬୭
ପର୍ଯ୍ୟନ୍ତ ରାଜତ୍ୱ କରିଥିଲେ
। ତାଙ୍କ ପରେ ଗୁପ୍ତ ବଂଶ ଦୁର୍ବଳ
ହୋଇଗଲା କିନ୍ତୁ ଗୁପ୍ତରାଜାମାନେ
ବହୁ କାଳ ଭାରତର ନାନା ସ୍ଥାନରେ
ରାଜତ୍ୱ କରିଥିଲେ ।
ଗୁପ୍ତଯୁଗରେ
ଭାରତର ଅବସ୍ଥା
ଗୁପ୍ତମାନଙ୍କ
ରାଜତ୍ୱ କାଳରେ ଦେଶ ଶକ,
ଯବନ,
କୁଶାଣ
ପ୍ରଭୃତି ବିଦେଶୀୟମାନଙ୍କ ହସ୍ତରୁ
ମୁକ୍ତ ହୋଇଥିଲା । ବହୁ କାଳ ଲୁପ୍ତ
ବ୍ରାହ୍ମଣଧର୍ମ ଗୁପ୍ତ ସମ୍ରାଟମାନଙ୍କ
ସାହାଯ୍ୟରେ ଦେଶରେ ପୁନଃ-ପ୍ରତିଷ୍ଠିତ
ହେଲା । ସଂସ୍କୃତ ସାହିତ୍ୟର
ଚର୍ଚ୍ଚା ବୌଦ୍ଧଯୁଗରେ କମି
ଯାଇଥିଲା । କିନ୍ତୁ ଗୁପ୍ତଯୁଗରେ
ସଂସ୍କୃତରେ ଶତ ଶତ ପୁରାଣ,
କାବ୍ୟ,
ନାଟକ,
ଶିଳାଲିପି,
ତାମ୍ରଶାସନ
ଲିଖିତ ହୋଇଥିଲା । ମହାକବି କାଳିଦାସ,
କବି
ହରି ସେନ,
ଜ୍ୟୋତିଷାଚାର୍ଯ୍ୟ
ଆର୍ଯ୍ୟଭଟ୍ଟ ଓ ବରାହମିହିର
ପ୍ରଭୃତି ଏହି ଯୁଗରେ ଜନ୍ମ ହୋଇଥିଲେ
। ଅଜନ୍ତା ଗୁମ୍ପାରେ ଖୋଳା ହୋଇଥିବା
ଚିତ୍ରଗୁଡିକ ସମଗ୍ର ପୃଥିବୀବିଖ୍ୟାତ
। ଏହି ଯୁଗରେ ଭାରତୀୟମାନେ
ବ୍ରହ୍ମଦେଶ,
ଶ୍ୟାମ,
କାମ୍ୱୋଡିଆ
ଓ ଜାଭା,
ସୁମାତ୍ରା
ପ୍ରଭୃତିରେ ରାଜ୍ୟ ସ୍ଥାପନ କରି
ହିନ୍ଦୁ ଧର୍ମ ଓ ବୌଦ୍ଧ ଧର୍ମ ପ୍ରଚାର
କରିଥିଲେ । ଏହି ସମସ୍ତ ଉନ୍ନତି
ଯୋଗୁଁ ଗୁପ୍ତ ରାଜତ୍ୱକୁ ‘ସୁବର୍ଣ୍ଣ
ଯୁଗ’ ବୋଲି କହନ୍ତି ।
ବି.ଦ୍ର. - ଏହି ଲେଖାଟି 'ଅଭିନବ ଭାରତ ଇତିହାସ' ବହିରୁ ନିଆଯାଇଛି । ପୁସ୍ତକଟି କେଦାରନାଥ ମହାପାତ୍ରଙ୍କ ଦ୍ୱାରା ୬ଷ୍ଠ ଓ ୭ମ ଶ୍ରେଣୀ ନିମନ୍ତେ ପାଠ୍ୟପୁସ୍ତକ ଭାବରେ ଲିଖିତ ଓ ଷ୍ଟ୍ୟୁଡ଼େଣ୍ଟ୍ସ୍ ଷ୍ଟୋର୍ଙ୍କ ଦ୍ୱାରା ୧୯୩୮ ମସିହାରେ ପ୍ରକାଶିତ । ସୃଜନିକ ସଂସ୍ଥାଙ୍କ ସୂତ୍ରରୁ ବହିଟି ମିଳିଥିବାରୁ ଆମେ ତାଙ୍କ ପାଖରେ କୃତଜ୍ଞ ।
ବି.ଦ୍ର. - ଏହି ଲେଖାଟି 'ଅଭିନବ ଭାରତ ଇତିହାସ' ବହିରୁ ନିଆଯାଇଛି । ପୁସ୍ତକଟି କେଦାରନାଥ ମହାପାତ୍ରଙ୍କ ଦ୍ୱାରା ୬ଷ୍ଠ ଓ ୭ମ ଶ୍ରେଣୀ ନିମନ୍ତେ ପାଠ୍ୟପୁସ୍ତକ ଭାବରେ ଲିଖିତ ଓ ଷ୍ଟ୍ୟୁଡ଼େଣ୍ଟ୍ସ୍ ଷ୍ଟୋର୍ଙ୍କ ଦ୍ୱାରା ୧୯୩୮ ମସିହାରେ ପ୍ରକାଶିତ । ସୃଜନିକ ସଂସ୍ଥାଙ୍କ ସୂତ୍ରରୁ ବହିଟି ମିଳିଥିବାରୁ ଆମେ ତାଙ୍କ ପାଖରେ କୃତଜ୍ଞ ।
No comments:
Post a Comment