ପିଲାଙ୍କ ଢଗଢମାଳି - ୫
ସଙ୍କଳନ ଓ ସମ୍ପାଦନା - ଗୋବିନ୍ଦ ଚନ୍ଦ୍ର ଚାନ୍ଦ
ଟିତ୍ର - 'ଦି ମାଉସ୍ ଷ୍ଟୋରି' (ଅଜ୍ଞାତ କଳାକାର; ୧୬ଶହ ଶତାବ୍ଦୀର ଜାପାନରେ ଅଙ୍କିତ କୃତି) ଫଟୋ କ୍ରେଡ଼ିଟ୍ - ୱିକିମିଡିଆ କମନ୍ସ୍ |
୨୧
ଅକାଳେ ଗୋଦରୀ କଲା ବେଉସା
ଲାଭ ଖାଇଗଲା ଚୂଟିଆ ମୂଷା ।
ଅର୍ଥ - କୌଣସି କାର୍ଯ୍ୟକୁ ଉପଯୁକ୍ତ ବ୍ୟକ୍ତି କରିବା ଦରକାର ।
୨୨
ଅକାଳେ ଝଡ଼ା ଫଳ ସୁଆଦିଆ ଲାଗେ ନାହିଁ ।
ଅର୍ଥ - ନିଷ୍ଠାର ସହ କାମ ନ କଲେ ଯେଉଁ ଫଳ ମିଳେ ତାହା ସନ୍ତୋଷ ଦିଏ ନାହିଁ ।
୨୩
ଅକାଳେ (ଆତୁରେ) ନିୟନ ନାସ୍ତି ।
ଅର୍ଥ - ଅସମୟରେ ବା ଅସୁବିଧା ପଡ଼ିଲେ ନିୟମ ମାନିବା ସମ୍ଭବ ହୋଇ ନ ଥାଏ ।
୨୪
ଅକାଳେ ମାଇଲି ଘାଏଁ
ଗଲା ଭୋଦୁଅ ଶିରାବଣ ଯାଏଁ ।
ଅର୍ଥ - ନିଷ୍ଠାର ସହ କାମ ନ କରି ସମୟ ନଷ୍ଟ କରିବା ।
୨୫
ଅଖ ଘୂରୁଥିଲେ ଚକ ଘୂରୁଥାଏ
ବୁଲି ଯାଉଥାଏ ପହି
ସଂସାର ଭିତରେ ଘର କରିଥିଲେ
ପଥର ପଡ଼ିଲେ ସହି ।
ଅର୍ଥ - ସଂସାର ସହ ନିଜକୁ ଖାପ ଖୁଆଇ ଚଳିବା ।
ବି.ଦ୍ର. - ଏହି ଢଗଢମାଳିଗୁଡ଼ିକ ଗୋବିନ୍ଦ ଚନ୍ଦ୍ର ଚାନ୍ଦଙ୍କର ସଙ୍କଳନ ଓ ସମ୍ପାଦନାରେ ପ୍ରକାଶିତ 'ଓଡ଼ିଆ ଶିଶୁ-କିଶୋର ଢଗଢମାଳି'ରୁ ଆନୀତ । ବହିଟି ନୂଆଦିଲ୍ଲୀସ୍ଥ କେନ୍ଦ୍ର ସାହିତ୍ୟ ଅକାଦେମୀ ୨୦୧୭ ମସିହାରେ ପ୍ରଥମେ ଛାପିଥିଲେ ।
No comments:
Post a Comment