ହାତ ଦେଖା ହାତୀ

ଜଗନ୍ନାଥ ପ୍ରସାଦ ଦାସ

ମହାବଳୀପୂରମ ସ୍ଥିତ ପ୍ରଥମ ଶତାବ୍ଦୀର ହସ୍ତୀ (ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍)

କଳା କନା ବାନ୍ଧି ଆଖିରେ ତାର

ପଚାରିଲେ ତାକୁ କେ ଆଛି ଆଗରେ

ଛୁଇଁ ଦେଇ ଖାଲି କହି କି ପାର ?

ଛୁଇଁଲା ସବୁ ସେ ହାତକୁ ବଢ଼ାଇ

ଆଗ ପଛ ବାଁ ଡାହାଣ ହାତି

ଅନେକ ବିଚାରି କହିଲା ଶେଷକୁ

ଏଇଟି ଗୋଟିଏ ବିରାଟ ହାତୀ ।

ଆଖିରୁ ଖୋଲିଲା କଳାକନା ଯେବେ

ଅନାଇ ଦେଖିଲା ଭଲାରେ ଭଲା

ଆଗରେ ରହିଛି କାନ୍ଥ, ଚାରି ଖମ୍ବ

ଗୋଟିଏ ଦଉଡ଼ି ଦୁଇଟି କୁଲା !

ବୁଝିଲା ସେ ଏକ ଗଧ

ବୁଦ୍ଧି ବିଚାରରେ ନିପଟ ଜଳକା

ଆଖି ଥାଉ ଥାଉ ଅନ୍ଧ ।

ଉତ୍ସ - ଅନାବନା । ୨୦୦୮, ପ୍ରଥମ ସଂସ୍କରଣ । ପ୍ରକାଶକ - ଇଙ୍କ ଓଡ଼ିଶା । ଭୁବନେଶ୍ୱର ।