ଘର

କବି - ଜଗନ୍ନାଥ ପ୍ରସାଦ ଦାସ

ମୋଶେ ସାମୁଦ୍ରିକ କଇଁଛ
୨୦୦ ସାଲ,  ପେରୁ ଦେଶର ଲିମାଠାରେ ସ୍ଥିତ ଲାର୍କୋ ସଙ୍ଗ୍ରହାଳୟ
  ଫଟୋ କ୍ରେଡ଼ିଟ - ୱିକିମିଡ଼ିଆ କମନ୍ସ୍

ରଜା ରହିଥାଏ ରାଜବାଟୀରେ

ଜେଲ ଘରେ ରହେ ଚୋର

ଦଦରା କୋଠାରେ ବାବନା ଭୂତ

ଚଷାର କୁଡ଼ିଆ ଘର ।

ସାପ ରହିଥାଏ ଉଇ ହୁଙ୍କାରେ

ଡାଳରେ ଚଢ଼େଇ ବସା

ପଙ୍କ ଗାଡ଼ିଆରେ ବେଙ୍ଗର ଘର

ଗାତ ଖୋଳି ରହେ ମୂଷା ।

ମହୁମାଛି ଥାଏ ମହୁଫେଣାରେ

ଦେଉଳ ହେଉଛି ଦିଅଁଙ୍କ ଘର

ଗୁମ୍ଫାରେ ରହନ୍ତି ମୁନି ୠଷି ଭାଲୁ

ଗୁଣ୍ଡୁଚିର ଘର ଗଛ କୋରଡ଼ ।

ନିଜ ନିଜ ଘର ଗେଣ୍ଡା କଇଁଛ

ବସ୍ତାନି ବହିର ଘର

କୁନି ପିଲା ଘର ମା'ର କୋଳ

ସପନର ଆଖି ତଳ ।

କିନ୍ତୁ,

ଫୁଟପାଥ ନୁହେଁ ମଣିଷର ଘର

ବାଘ ଘର ନୁହେଁ ଚିଡ଼ିଆଖାନା

ପଞ୍ଜୁରୀ ନୁହଇ ଚଢ଼େଇର ବସା

କାହା ଘର ନୁହେଁ ପୁଲିସ ଥାନା ।

ଉତ୍ସ - ଅନାବନା । ୨୦୦୮, ପ୍ରଥମ ସଂସ୍କରଣ । ପ୍ରକାଶକ - ଇଙ୍କ ଓଡ଼ିଶା । ଭୁବନେଶ୍ୱର ।