ପିଲାଙ୍କ କବିତା - 'ଏ ବି ସିଡ଼ି'
ଜଗନ୍ନାଥ ପ୍ରସାଦ ଦାସ
ଚିତ୍ର - କାତ୍ଜେନ୍କନ୍ଜର୍ଟ୍ (୧୭ଦଶ ଶତାବ୍ଦୀରେ ଅଙ୍କିତ) ଟିତ୍ରକର - ଡେଭିଡ଼୍ ଟେନିଅର୍ସ୍ ଦି ୟଙ୍ଗର୍ (୧୬୧୦-୧୬୯୦) ଫଟୋ କ୍ରେଡ଼ିଟ୍ - ୱିକିମିଡିଆ କମନ୍ସ୍ |
ପେଚା ଖୋଲିଥିଲା ସ୍କୁଲ ଇଂରେଜୀ ପାଠର
କୋରଡ଼ରେ କ୍ଲାସ, ତାକୁ ସିଡ଼ି ଥିଲା କାଠର
ସିଡ଼ି ଚଢ଼ି ଆସୁଥିଲେ ତା' ପାଖକୁ ନେଉଳ
ଗୁଣ୍ଡୁଚି ଠେକୁଆ ଓଧ କେବେ କେବେ ଶେଉଳ
ପହଞ୍ଚିଲା ଦିନେ ଆସି ମୂଷା ଖରା ବେଳରେ
ସିଡ଼ିରେ ନ ଆସି ଚଢ଼ି ଗଲା ଡେଇଁ ଡେଇଁ ଡାଳରେ
ପେଚା ଯେତେବେଳେ ତାକୁ ଅନାଇଲା ବିଗିଡ଼ି
ଡାଳକୁ ଦେଖାଇ ମୂଷା କହିଲା, ଏ ବି ସିଡ଼ି
ବି.ଦ୍ର. - ଏହି କବିତାଟି ପ୍ରଥମେ ୧୯୯୩ ମସିହାରେ ପ୍ରକାଶିତ 'ଆଳୁକୁଚି ମାଳୁକୁଚି' ବହିରୁ ନିଆ ଯାଇଛି । ଲେଖାଟିିର ଏହି ପ୍ରତିଟି ଶିକ୍ଷାସନ୍ଧାନ ସଂସ୍ଥା ୨୦୧୭ ମସିହାରେ ଛପାଇଥିବା ସଙ୍କଳନ 'ଅପରାପର'ରୁ ଆନୀତ ।
No comments:
Post a Comment