ଗାନ୍ଧୀଜୀଙ୍କର ଶିକ୍ଷାବିଚାର: 'ଅଧ୍ୟୟନର ଲକ୍ଷ୍ୟ'

ଅନୁବାଦକ - ଚିତ୍ତରଞ୍ଜନ ଦାସ

ଶ୍ରୀ ଗୁରୁ ଗ୍ରନ୍ଥ ସାହିବଙ୍କର ନିଶାନ୍ (ୱିକିମିଡିଆ କମନ୍ସ୍)

ମୁଁ ତୁମ୍ଭମାନଙ୍କୁ ଏତିକି କହିବାକୁ ଚାହୁଁଅଛି ଯେ, ତୁମ୍ଭମାନଙ୍କୁ ଯେଉଁ ପୁସ୍ତକଗୁଡ଼ିକ ପୁରସ୍କାର ରୂପେ ଦିଆ ଯାଉଛି, ସେଗୁଡ଼ିକୁ ଭଲ ରୂପେ ପଢ଼ିବ ଉତ୍ତମ ରୂପେ ବିଚାର କରିବ ଏବଂ ସେଗୁଡିକରେ ପ୍ରଦତ୍ତ ସତ୍ୟର ମର୍ମକୁ ସର୍ବଦା ଧ୍ୟାନରେ ରଖି ଧର୍ମ ମାର୍ଗରେ ଚଳିବ । ତୁମ୍ଭେମାନେ ଝିଅ ହୋଇ ଥାଅ ବା ପୁଅ ହୋଇ ଥାଅ, ବଡ଼ ହେଲେ ସାଂସାରିକ କର୍ତ୍ତବ୍ୟର ସମସ୍ତ ବୋଝ ତୁମ୍ଭମାନଙ୍କର ମୁଣ୍ତରେ ପଡ଼ିବ । ଏଥି ପାଇଁ ତୁମ୍ଭେମାନେ ଭବିଷ୍ୟତ ସମ୍ୱନ୍ଧରେ ଚିନ୍ତା କର । ସତ୍ୟର ମର୍ମ କେବଳ ନିଜର ଧର୍ମ-ପୁସ୍ତକ, ଉପରନ୍ତୁ ଅନ୍ୟ ସମସ୍ତ ଧର୍ମ ସମ୍ବନ୍ଧୀୟ ପୁସ୍ତକରେ ମଧ୍ୟ ମିଳିବ ।

ତୁମ୍ଭେମାନେ ଯେଉଁ ଜ୍ଞାନ ପାଇଛ ତାହାକୁ ବିଚାର ପୂର୍ବକ ହୃଦୟଙ୍ଗମ କରିବା ତୁମ୍ଭମାନଙ୍କର ପରମ କର୍ତ୍ତବ୍ୟ ଅଟେ । ଧର୍ମ ଓ ନୀତି ସମ୍ୱନ୍ଧୀୟ ଶିକ୍ଷାରୁ ଯେତେ ତୁମ୍ଭମାନଙ୍କର କାର୍ଯ୍ୟରେ ଆସି ପାରିବ, ସେତିକି ଗ୍ରହଣ କର । ଯାହା ବ୍ୟର୍ଥ ନ ଯିବ ଓ ବୋଝ ନ ହେବ, କେବଳ ସେତିକି ଜ୍ଞାନ ଆବଶ୍ୟକ । ତୁମ୍ଭମାନଙ୍କର ପ୍ରାପ୍ତ ଜ୍ଞାନକୁ ତୁମ୍ଭେମାନେ ଯେତେ ଦୂର ଉତ୍ତମ ରୂପେ ହୃଦୟଙ୍ଗମ କରିଥିବ କେବଳ ସେତିକି ପର୍ଯ୍ୟନ୍ତ ତୁମ୍ଭେମାନେ ଲାଭବାନ ହେବ । ଏହି ସଂସ୍ଥାର ଉଦ୍ଦେଶ୍ୟ ଏହା ହିଁ ହେବା ଉଚିତ । ତୁମ୍ଭେମାନେ ଯେ କୌଣସି ବହି ପଢ଼, ସେଥିରେ ସତ୍ୟ କେତେ ଅଛି, ତାହା ଚିନ୍ତା କର । ଯଦି ତୁମ୍ଭେମାନେ ସତ୍ୟ ଉପରେ ନିର୍ଭର କରିଥିବ; ସଫଳ ହେବ । ମୋର ନିଜ ଅନୁଭବରୁ ମୁଁ ତୁମ୍ଭମାନଙ୍କୁ କହୁଛି ଯେ, ତୁମ୍ଭେମାନଙ୍କୁ ଯେଉଁ ଜ୍ଞାନ ମିଳୁଅଛି ତାହାକୁ ସଞ୍ଚୟ କରି ରଖ । ତଦ୍ୱାରା ତୁମ୍ଭମାନଙ୍କୁ ଓ ଦେଶକୁ ଲାଭ ମିଳିବ ।

- ବମ୍ୱେରେ ଛାତ୍ରମାନଙ୍କୁ ପୁରସ୍କାର ବିତରଣ ସମୟରେ ପ୍ରଦତ୍ତ ଭାଷଣର ଅଂଶ । 

କାଠିଆୱାର୍ଡ଼ ଟାଇମ୍‌ସ୍, ତା୧୭-୨-୧୯୧୫ରିଖ