କବିଗୁରୁ ରବୀନ୍ଦ୍ରନାଥଙ୍କ ଏକ ସଙ୍ଗୀତ
ଅନୁସୃଜନ - ଜ୍ୟୋତି ନନ୍ଦ
 |
| ରବୀନ୍ଦ୍ରନାଥ ଠାକୁରଙ୍କର ମୋହର ଫଟୋ କ୍ରେଡ଼ିଟ୍ - ୱିକିମିଡିଆ କମନ୍ସ୍ |
ଦେଖୁଛି ଆଗରେ ଏ ଶାନ୍ତିର ପାରାବାର
ବାହିନିଅ ତରଣୀଟି ଆହେ କର୍ଣ୍ଣଧାର ।
ତୁମେ ମୋର ଚିର ସାଥି,
ନେଇଯାଅ କୋଳ ପାତି
ଅସୀମର ପଥେ ଜ୍ୟୋତି
ଜଳୁଅଛି ପରା ସେଇ ଧୃବ ତାରକାର ।
ମୁକ୍ତିଦାତା ହେ ଦୟା କ୍ଷମା ସାଥେ ତମର
ଚିରଯାତ୍ରାର ପଥ ସୁଖକର ମୋହର।
ଫିଟିଛି ଧରା ବନ୍ଧନ
ମୁକୁଳିତ ଆଲିଙ୍ଗନ
ବିରାଟ ବିଶ୍ଵ ନନ୍ଦନ
ଭୟ ନାହିଁ ଏବେ, ମହା-ଅଜଣା ଅନ୍ତର ।
No comments:
Post a Comment