ପିଲାଙ୍କ ଢଗଢମାଳି - ୧
ସଙ୍କଳନ ଓ ସମ୍ପାଦନା - ଗୋବିନ୍ଦ ଚନ୍ଦ୍ର ଚାନ୍ଦ
ଚିତ୍ରକର - ଏଦୁଆର୍ଦ୍ ମାନେ (୧୮୩୨ - ୧୮୮୩) |
୧
ଅଇଘରାକୁ ବାଇଗଣ ପକାଇବା ।
ଅର୍ଥ - ଅନିଶ୍ଚିତତା ଭିତରେ ଅବ୍ୟବସ୍ଥିତ ଭାବେ କିଛି କରି ଦେବା ।
୨
ହାତରେ କାଉ ନ ହୁରୁଡ଼େଇବା ।
ଅର୍ଥ - ଅତିି ଲୋଭ ମନୋଭାବ ।
୩
ଅଇଁଠା ପତରରୁ କୁଆକୁ ହୁରୁଡ଼ାନ୍ତି ନାହିଁ ।
ଅର୍ଥ - ଅଯଥା କାମ ନ କରିବା ।
୪
ଅଇଲା ରାବଣ ହରିଲା ସୀତା,
ଏଥି ପାଇଁ କିଆଁ ପୋଥି ସାତୁଟା ।
ଅର୍ଥ - ଯେଉଁ କଥାର ସାର ଜଣା ଅଛି ତାହାକୁ ସବିଶେଷ ବର୍ଣ୍ଣନା କରି ଜଣେଇବାର ଆବଶ୍ୟକତା ନାହିଁ ।
୫
ଅଇଲି ଗଲି,
ଯାହା ଦେଖିଥିଲି ତାହା କହିଲି ।
ଅର୍ଥ - ଯାହା ଦେଖିବା ତାହା କହିବା ।
ବି.ଦ୍ର. - ଏହି ଢଗଢମାଳିଗୁଡ଼ିକ ଗୋବିନ୍ଦ ଚନ୍ଦ୍ର ଚାନ୍ଦଙ୍କର ସଙ୍କଳନ ଓ ସମ୍ପାଦନାରେ ପ୍ରକାଶିତ 'ଓଡ଼ିଆ ଶିଶୁ-କିଶୋର ଢଗଢମାଳି'ରୁ ଆନୀତ । ବହିଟି ନୂଆଦିଲ୍ଲୀସ୍ଥ କେନ୍ଦ୍ର ସାହିତ୍ୟ ଅକାଦେମୀ ୨୦୧୭ ମସିହାରେ ପ୍ରଥମେ ପ୍ରକାଶିତ କରିଥିଲେ ।
No comments:
Post a Comment