ଆଲୁଅ ବଦଳିଗଲା
ପୋଲି ସେନଗୁପ୍ତ
୧୯୧୬ ମସିହାରେ ଶିଶୁ ଶ୍ରମିକ ତେଲ ପେଡ଼ୁଥିବାର ଦୃଶ୍ୟ ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ମୁଁ
ତ ଥଟ୍ଟା କରୁଥିଲି । ଜନପଥର
ବ୍ୟସ୍ତବହୁଳ ଛକରେ ଖବରକାଗଜ
ବିକୁଥିବା ଗୋଟିଏ କୁନି ପିଲା
ପାଇଁ ଗୋଟିଏ ଟାହୁଲି । ମୁଁ
ଯେତେବେଳେ ସାଇକେଲ ଚଢ଼ିଯିବି,
ସେ
ଇଂରାଜୀ ଖବରକାଗଜ ଧରି ମୋ ପଛେ
ପଛେ ଗୋଡ଼େଇବ । ଆଉ ଇଂରାଜୀ ଓ
ହିନ୍ଦୀ ଶବ୍ଦର ମିଶାମିଶି ଏକ
ଖେଚେଡ଼ି ଭାଷାରେ ସନ୍ଧ୍ୟାର
ମୂଖ୍ୟ ଖବରଗୁଡ଼ିକ ଚିତ୍କାର କରି
ଡାକିଦେଇଯିବ । ଏ ଥର ମୁଁ ଫୁଟପାଥ୍
ପାଖରେ ଅଟକି ଗଲି । ଆଉ ତାକୁ ହିନ୍ଦୀ
ଖବରକାଗଜ ଖଣ୍ଡିଏ ମାଗିଲି ।
ଆଶ୍ଚର୍ଯ୍ୟରେ ତା ମୁହଁ ଖୋଲା
ହିଁ ରହିଗଲା ।
ସେ
ପଚାରିଲା,
‘ତୁମକୁ
ହିନ୍ଦୀ ଜଣା’ ?
ମୁଁ
ଖବରକାଗଜର ପଇସା ଦଉଦଉ କହିଲି
“ଆଉ ନୁହେଁ ତ କଅଣ” । କାହିଁକି
?
“ତୁମେ
କଅଣ ଭାବୁଥିଲ ?”
ସେ
ଟିକେ ଅଟକିଗଲା,
ଆଉ
କହିଲା,
“କିନ୍ତୁ
ତୁମେ ତ ପୁରା ଇଂରେଜ୍ ଲାଗ । ତୁମକୁ
ହିନ୍ଦୀ ବି ପଢ଼ି ଆସେ ?”
ମୁଁ
କହିଲି,
“ନିଶ୍ଚିତ
ଭାବରେ”,
ଏଥର
ମୁଁ ଟିକିଏ ଅଧୈର୍ଯ୍ୟ ହୋଇ କହିଲି
“ମୋତେ ହିନ୍ଦୀ କହି ଆସେ,
ପଢ଼ି
ଆସେ,
ଆଉ
ଲେଖି ବି ଆସେ । ମୁଁ ସ୍କୁଲ୍ ରେ
ହିନ୍ଦୀକୁ ଗୋଟିଏ ସବ୍ଜେକ୍ଟ ଭାବରେ ପଢ଼େ ।”
“ବିଷୟ”
?
ସେ
ପଚାରିଲା । ଯିଏ କେବେ ଇସ୍କୁଲ୍
ଯାଇନି,
ତାକୁ
ମୁଁ ବିଷୟ କଅଣ ବୋଲି କେମିତି
ବୁଝାଇପାରିଥାଆନ୍ତି ?
“ହୁଁ
। ଏଇଟା ଗୋଟେ ଜିନିଷ” ବୋଲି ମୁଁ
କହିବାକୁ ଆରମ୍ଭ କଲି,
ହେଲେ
ସେତିକି ବେଳକୁ ଟ୍ରାଫିକ୍ ଆଲୁଅ
ବଦଳିଗଲା ଓ ମୋ ପଛରୁ ଆସୁଥିବା
ହର୍ଣ୍ଣର ଆୱାଜ୍ ଶତଗୁଣରେ ବଢ଼ିଗଲା
। ମୁଁ ନିଜକୁ ବାକି ଟ୍ରାଫିକ୍
ସହିତ ଠେଲିହୋଇ ଆଗକୁ ବଢ଼ିବାକୁ
ଛାଡ଼ିଦେଲି ।
ତାହା
ପର ଦିନ ବି ସେ ସେହିଠାରେ ହିଁ
ଥିଲା । ମୋତେ ଦେଖି ହସୁଥିଲା ଓ
ଗୋଟି ହିନ୍ଦୀ ଖବରକାଗଜ ବଢ଼ାଇଦେଇ
କହିଲା,
“ଆପଣଙ୍କ
କାଗଜ । ଏବେ ମୋତେ କୁହନ୍ତୁ ଏ
ସବଜେକ୍ଟ୍ ଜିନିଷଟି କଅଣ”?
ଇଂରାଜୀ
ଶବ୍ଦଟି ତା ଓଠରେ ଟିକିଏ ବିଚିତ୍ର
ଲାଗୁଥିଲା । ଏହା ଇଂରାଜୀରେ ତାହାର
ଅନ୍ୟ ଅର୍ଥଟି -
ଅନ୍ୟ
କାହା ଦ୍ୱାରା ଶାସିତ ହେବା -
ଭଳି
ଶୁଣାଯାଉଥିଲା ।
“ଓଃ!
ସବଜେକ୍ଟ୍
ପଢ଼ିବା ପାଇଁ କିଛି ଜିନିଷ”,
ମୁଁ
କହିଲି । ଆଉ ଠିକ୍ ସେତେବେଳେ ନାଲି
ଆଲୁଅ ଜଳିଉଠିବାରୁ,
ମୁଁ
ତାକୁ ପଚାରିଲି,
“ତୁମେ
କେବେ ସ୍କୁଲ୍ ଯାଇଛ”?
“କେବେ
ବି ନୁହେଁ”,
ସେ
କହିଲା । ଆଉ ସେ ଗର୍ବର ସହ ଯୋଡ଼ିଲା,
“ମୁଁ
ଏତିକି ବଡ଼ ହେଇଥିଲା ବେଳେ କାମ
କରିବାକୁ ଆରମ୍ଭ କଲି” । ସେ ନିଜକୁ
ମୋର ସାଇକେଲ୍ ର ସିଟ୍ ସହ ମାପିଦେଲା
। ଆଉ କହିଲା,
“ପ୍ରଥମେ
ପ୍ରଥମେ ମୋ ମା ମୋ ସହିତ ଆସୁଥିଲା
। ଏବେ ମୁଁ ନିଜେ ସବୁ କାମ କରିପାରୁଛି
।”
“ତୁମ
ମା ଏବେ କେଉଁଠି ?”
ବୋଲି
ମୁଁ ପଚାରିଲି । ମାତ୍ର ଠିକି
ସେତିକି ବେଳକୁ ଟ୍ରାଫିକ୍ ଆଲୁଅ
ବଦଳିଗଲା ଆଉ ମୁଁ ଆଗକୁ ବଢ଼ିଗଲି
। ମୁଁ ତାକୁ ମୋ ପଛରୁ କେଉଁଠୁ
ଚିଲ୍ଲାଇ କହିବାର ଶୁଣିଲି,
“ସେ
ମିରଟରେ”… ବାକିତକ ଆୱାଜ୍ ରେ
କେଉଁଠି ବୁଡ଼ିଗଲା ।
ତାହା
ପରଦିନ ସେ କହିଲା,
“ମୋ
ନାଁ ସମୀର” । ଆଉ ତା ପରେ ସେ ଲାଜର
ସହ ପଚାରିଲା,
“ଆଉ
ତୁମର ନାଁ କଅଣ ?”
ଆଶ୍ଚର୍ଯ
। ମୋର ସାଇକେଲ ଟିକେ ଥରିଗଲା ।
ମୁଁ କହିଲି,
“ମୋ
ନା ବି ସମୀର ।” “କଅଣ” । ତାର ଆଖି
ଚକମକ କଲା । ମୁଁ ତା ଆଡ଼କୁ ଅନାଇ
ହସିଲି,
ଆଉ
କହିଲି,
“ହଁ
। ସମୀର ହନୁମାନଙ୍କର ବାପାଙ୍କର
ଆଉ ଗୋଟେ ନାଁ ।” ସେ ବିଜୟୀ ଭାବରେ
କହିଲା,
“ତୁମେ
ହେଲ ଏକ ନମ୍ବର ସମୀର ଆଉ ମୁଁ ହେଲି
ଦୁଇ ନମ୍ବର ସମୀର । “ହଁ ତମେ
ସେମିତି କିଛି କହିପାର” ବୋଲି
ମୁଁ ଉତ୍ତର ଦେଲି ଆଉ ହାତ ବଢ଼େଇଦେଇ
କହିଲି,
“ହାତ
ମିଳାଅ,
ଦୁଇ
ନମ୍ବର ସମୀର ।” ତା ହାତ ମୋ ହାତ
ଭିତରେ ଗୋଟିଏ ଛୋଟିଆ ଚଢ଼େଇ ଭଳି
ରହିଗଲା । ମୁଁ ସାଇକେଲ ଚଢ଼ାଇ
ଚାଲିଗଲାବେଳକୁ ତା ହାତର ଉଷ୍ମତା
ମୁଁ ଅନୁଭବ କରିପାରୁଥିଲି ।
ଆସନ୍ତା
ଦିନ,
ସେ
ମୋତେ ଦେଖି ସବୁଦିନ ଭଳି ହସିଲାନାହିଁ
। “ମିରଟରେ ଗଣ୍ଡଗୋଳ ଚାଲିଛି”,
ସେ
କହିଲା । “ସେଠି ଦଙ୍ଗାରେ ଅନେକ
ଲୋକଙ୍କୁ ମାରୁଛନ୍ତି” । ମୁଁ
ମୁଖ୍ୟଖବର ଉପରେ ଆଖି ପକାଇଲି ।
ସାମ୍ପ୍ରଦାୟିକ ଦଙ୍ଗା ଚାଞ୍ଚଲ୍ୟକର
ଖବର ଭାବରେ ପେଶ ହୋଇଥିଲା । “କିନ୍ତୁ
ସମୀର”,
ମୁଁ
ଆରମ୍ଭ କଲି । “ମୁଁ ଜଣେ ମୁସଲମାନ୍
ସମୀର ।” ସେ ଉତ୍ତରରେ କହିଲା,
“ମୋର
ସବୁ ଲୋକ ମିରଟରେ ଅଛନ୍ତି” । ତା
ଆଖି ଲୁହରେ ଭରିଗଲା । ଆଉ ମୁଁ
ଯେତେବେଳେ ତାର କାନ୍ଧକୁ ଛୁଇଁଲି,
ସେ
ମୁହଁ ଟେକି ଅନାଇଲା ନାହିଁ ।
ତା' ପର ଦିନ,
କି
ଅପରଦିନ,
କି
ଆଉ କେବେବି ମୁଁ ତାକୁ ଆଉ ଛକରେ
ଦେଖିବାକୁ ପାଇଲି ନାହିଁ । କେଉଁ
ଖବରକାଗଜ,
ସେ
ହିନ୍ଦୀ ହେଉ କି ଇଂରାଜୀ,
ମୋତେ
କହିପାରିବେ ନାହିଁ ଯେ ସମୀର
କୁଆଡ଼େ ଚାଲିଯାଇଛି ।
ବି.ଦ୍ର. - ଏହି ଲେଖାଟି ଏନ.ସି.ଇ.ଆର୍.ଟି. ଛାପିଥିବା ଷଷ୍ଠ ଶ୍ରେଣୀ ପାଇଁ ଉଦ୍ଦିଷ୍ଟ ସମାଜ ବିଜ୍ଞାନ ପାଠ୍ୟପୁସ୍ତକ 'ସୋସିଆଲ୍ ଆଣ୍ଡ୍ ପଲିଟିକାଲ ଲାଇଫ୍ - ୧' ର ପ୍ରଥମ ଅଧ୍ୟାୟର ସମ୍ପାଦିତ ଓ ଅନୁଦିତ ଅଂଶ ।
No comments:
Post a Comment