ପିଲାଙ୍କ ପାଇଁ କବିତା - 'ଅବୋଲକରା'
କବି - ଜଗନ୍ନାଥ ପ୍ରସାଦ ଦାସ
ଟୋକିଓର ପ୍ରସିଦ୍ଧ ଦୋକାନ ଇଜୁମିୟୋ ତୋକିଓତେନ୍ର ବିସ୍କୁଟ ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ରମ୍ରେ ମିଶାଅ ପାଣି କହିଲେ ସେ
ପାଣିରେ ମିଶାଏ ରମ୍
କମ୍ ବେଶି ଦିଅ କହିଲେ ସେ ଆଣି
ଦେଇଯାଏ ବେଶି କମ୍ ।
ମୁଁ କହିଲେ ତାକୁ ଚା' ବା ବିସ୍କୁଟ
ସେ ଆଣେ ବିସ୍କୁଟ ଚା'
ସେଠିକି ଯିବା ମୁଁ ଯଦି କହେ ତାକୁ
ସେଠାରୁ ସେ କହେ ଆ ।
ପାଦ ପୂରଣ ସେ କରେ କବିତାର
ଆଗ ଧାଡ଼ିଟିକି ଯୋଖି
ମୁଁ ତାକୁ ଦେଖାଏ ଯଦି କବିତାର
ଶେଷ ଧାଡ଼ିଟିକି ଲେଖି ।
ବି.ଦ୍ର. - ଏହି କବିତାଟି ଜଗନ୍ନାଥ ପ୍ରସାଦ ଦାସ ଲିଖିତ ବହି 'ଆନମାନ'ରୁ ନିଆଯାଇଅଛି । ବହିଟି ଭୁବନେଶ୍ୱରସ୍ଥ ପ୍ରକାଶନ ସଂସ୍ଥା ଟାଇମପାସ ୨୦୧୬ ମସିହାର ମାର୍ଚ୍ଚ ମାସରେ ଛପାଇଥିଲେ ।
No comments:
Post a Comment