ସୌରଜଗତ - ପୃଥିବୀ ଓ ଚନ୍ଦ୍ର
ଅନୁବାଦ - ବିଶ୍ୱଜିତ ଆପଟ
ଆପୋଲୋ ୧୭ରୁ ୧୯୭୨ ମସିହାରେ ନିଆଯାଇଥିବା ପୃଥିବୀର ଆଲୋକଚିତ୍ର ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ପୃଥିବୀ
ବୁଧ
ଓ ଶୁକ୍ର ପରେ ପୃଥିବୀର ତୃତୀୟ
ନିକଟତମ ଗ୍ରହ ହେଉଛି ପୃଥିବୀ ।
ଆକାର ହିସାବରେ ପୃଥିବୀ ସୌରଜଗତର
ପଞ୍ଚମ ବୃହତ୍ତମ ଗ୍ରହ ଅଟେ । ଦୁଇ
ମେରୁ ନିକଟରେ ଏହା ସାମାନ୍ୟ ଚେପଟା
। ସେଥିପାଇଁ ପୃଥିବୀର ଆକୃତିକୁ ପୃଥ୍ୱୀରୂପ
ବା ଭୂଆକୃତିକୀ ଶବ୍ଦ ଦ୍ୱାରା
ବର୍ଣ୍ଣନା କରାଯାଏ ଯାହାର ଅର୍ଥ
ହେଉଛି “ପୃଥିବୀ ପରି ଆକୃତି” ।
ଉପଗ୍ରହ ହେଉଛି
ଏକ ମହାଜାଗତିକ ପିଣ୍ଡ ଯାହା ଗ୍ରହ
ଚାରିପଟେ ବୁଲିଥାଏ, ଠିକ
ଯେମିତି ଗ୍ରହମାନେ ସୂର୍ଯ୍ୟ
ଚାରିପଟେ ବୁଲିଥାଆନ୍ତି ।
ମନୁଷ୍ୟ-କୃତ
ଉପଗ୍ରହଗୁଡିକ କୃତ୍ରିମ ବସ୍ତୁ
ଅଟନ୍ତି । ବିଶ୍ୱବ୍ରହ୍ମାଣ୍ଡ
ସମ୍ବନ୍ଧରେ ଅଧିକ ତଥ୍ୟ ସଂଗ୍ରହ
କରିବା ପାଇଁ ବା ଦୂର ସଞ୍ଚାର ପାଇଁ
ବୈଜ୍ଞାନିକମାନେ ସେଗୁଡିକୁ
ପ୍ରସ୍ତୁତ କରିଥାଆନ୍ତି । କୃତ୍ରିମ
ଉପଗ୍ରହକୁ ରକେଟ୍ ବୋହିନିଏ ଓ
ପୃଥିବୀର ଚାରିପଟେ ବୁଲିବା ପାଇଁ
ଏକ କକ୍ଷରେ ଏହାକୁ ସ୍ଥାନିତ
କରାଯାଏ ।
ଇନ୍ସାଟ୍, ଆଇ.ଆର୍.ଏସ୍. ଏଡୁସାଟ୍ ଇତ୍ୟାଦି
ମହାକାଶରେ ଥିବା ଭାରତୀୟ ଉପଗ୍ରହ
ଅଟନ୍ତି ।
ଜୀବନ
ପାଇଁ ଅନୁକୂଳ ପରିସ୍ଥିତି ସମ୍ଭବତଃ
ପୃଥିବୀରେ ହିଁ ରହିଛି । ପୃଥିବୀ
ଖୁବ୍ ଗରମ ନୁହେଁ ଓ ଖୁବ୍ ଥଣ୍ଡା
ମଧ୍ୟ ନୁହେଁ । ପୃଥିବୀରେ ରହିଛି
ଜଳ ଓ ବାୟୁ ଯାହା ଆମ ଜୀବନ ପାଇଁ
ନିତାନ୍ତ ଆବଶ୍ୟକ । ବାୟୁରେ ରହିଛି
ଅମ୍ଳଜାନ ପରି ଗ୍ୟାସ ଯାହା ଜୀବନ
ପାଇଁ ସହାୟକ ଅଟେ । ଏହି ସବୁ କାରଣ
ଯୋଗୁଁ ପୃଥିବୀ ସୌରଜଗତର ଏକ
ଅଦ୍ୱିତୀୟ ଗ୍ରହ ଅଟେ ।
ପୃଥିବୀ
ପୃଷ୍ଠର ଦୁଇ-ତୃତୀୟାଂଶ
ଜଳରେ ଆଚ୍ଛାଦିତ ଥିବାରୁ ମହାକାଶରୁ
ପୃଥିବୀ ନୀଳ ଦିଶେ । ଏଣୁ ଏହାକୁ ନୀଳ
ଗ୍ରହ ବୋଲି
ମଧ୍ୟ କୁହାଯାଏ ।
ଚନ୍ଦ୍ର
ପୃଥିବୀର
କେବଳ ଗୋଟିଏ ଉପଗ୍ରହ ଅଛି ଯାହାର
ନାମ ହେଉଛି ଚନ୍ଦ୍ର । ଏହାର ବ୍ୟାସ
ପୃଥିବୀର ବ୍ୟାସର ମାତ୍ର ଏକ-ଚତୁର୍ଥାଂଶ
ଅଟେ । ତଥାପି ଏହା ଆମକୁ ଖୁବ୍ ବଡ
ଦିଶେ କାରଣ ଅନ୍ୟ ସବୁ ମହାଜାଗତିକ
ପିଣ୍ଡମାନଙ୍କ ତୁଳନାରେ ଚନ୍ଦ୍ର
ପୃଥିବାର ଖୁବ୍ ନିକଟରେ ରହିଛି । ଚନ୍ଦ୍ର ଓ ପୃଥିବୀ ମଧ୍ୟରେ
ବ୍ୟବଧାନ ପ୍ରାୟ ୩,୮୪,୪୦୦
କିଲୋମିଟର । ବର୍ତ୍ତମାନ ଚନ୍ଦ୍ର
ଓ ପୃଥିବୀ ମଧ୍ୟରେ ଥିବା ଏହି
ବ୍ୟବଧାନକୁ ପୃଥିବୀ ଓ ସୂର୍ଯ୍ୟ
ମଧ୍ୟରେ ଥିବା ବ୍ୟବଧାନ ସହ ତୁଳନା
କରି ଦେଖ ।
ପୃଥିବୀ
ଚାରିପାଖରେ ବୁଲି ଆସିବା ପାଇଁ
ଚନ୍ଦ୍ର ପ୍ରାୟ ୨୭ ଦିନ ସମୟ ନିଏ
। ନିଜ ଅକ୍ଷ ଚାରିପଟେ ବୁଲିବା
ପାଇଁ ମଧ୍ୟ ଚନ୍ଦ୍ର ଠିକ୍ ସେତିକି
ସମୟ ନିଏ । ଏହାର ଫଳସ୍ୱରୂପ ଚନ୍ଦ୍ରର
ଗୋଟିଏ ପାର୍ଶ୍ୱ ହିଁ ପୃଥିବୀରୁ
ଦୃଶ୍ୟମାନ ହୋଇଥାଏ ।
ଜୀବନ
ପାଇଁ ଅନୁକୂଳ ପରିସ୍ଥିତି ଚନ୍ଦ୍ର
ପୃଷ୍ଠରେ ନାହିଁ । ସେଠାରେ ନା
ପବନ ଅଛି ନା ପାଣି । ଚନ୍ଦ୍ର ପୃଷ୍ଠ
କେବଳ ପର୍ବତ, ସମତଳ
ଭୂମି ଓ ଗହ୍ୱର ଇତ୍ୟାଦିକୁ ନେଇ
ଗଠିତ । ଏସବୁର ଛାଇ ଚନ୍ଦ୍ର ପୃଷ୍ଠରେ
ପଡେ । ତୁମେ ପୂର୍ଣ୍ଣ ଚନ୍ଦ୍ରକୁ
ଦେଖ ଓ ଏହି ଛାଇଗୁଡିକୁ ନିରୀକ୍ଷଣ
କର ।
ବି.ଦ୍ର. - ଏହି ଲେଖାଟି ଏନ.ସି.ଇ.ଆର୍.ଟି. ଛାପିଥିବା ଷଷ୍ଠ ଶ୍ରେଣୀ ପାଇଁ ଉଦ୍ଦିଷ୍ଟ ଭୂଗୋଳ ପାଠ୍ୟପୁସ୍ତକର ପ୍ରଥମ ଅଧ୍ୟାୟର ସମ୍ପାଦିତ ଓ ଅନୁଦିତ ଅଂଶ ।
ବି.ଦ୍ର. - ଏହି ଲେଖାଟି ଏନ.ସି.ଇ.ଆର୍.ଟି. ଛାପିଥିବା ଷଷ୍ଠ ଶ୍ରେଣୀ ପାଇଁ ଉଦ୍ଦିଷ୍ଟ ଭୂଗୋଳ ପାଠ୍ୟପୁସ୍ତକର ପ୍ରଥମ ଅଧ୍ୟାୟର ସମ୍ପାଦିତ ଓ ଅନୁଦିତ ଅଂଶ ।
No comments:
Post a Comment