ସୌରଜଗତରେ ପୃଥିବୀ
ଅନୁବାଦ - ବିଶ୍ୱଜିତ ଆପଟ
ସୌରମଣ୍ଡଳର ଚିତ୍ର (ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍) ପ୍ରସିଦ୍ଧ ଓଲନ୍ଦାଜ ତାରକା ମାନଟିତ୍ରକାର ଆନ୍ଦ୍ରିଅସ୍ ସେଲାରିଅସ୍ (୧୫୯୬-୧୬୬୫)ଙ୍କ ଅଙ୍କନ |
ସୂର୍ଯ୍ୟ
ଅସ୍ତ ଯିବାପରେ ଆକାଶ କେଡେ ସୁନ୍ଦର
ଦିଶେ ! ପ୍ରଥମେ
ଗୋଟିଏ ବା ଦୁଇଟି ଉଜ୍ଜଳ ବିନ୍ଦୁ
ଆକାଶରେ ଚମକି ଉଠେ । ଖୁବ୍ ଶୀଘ୍ର
ସେହିପରି ଅନେକଗୁଡିଏ ବିନ୍ଦୁ
ତୁମେ ଦେଖିବାକୁ ପାଅ । ତୁମେ ଆଉ
ସେଗୁଡିକ ଗଣିପାର ନାହିଁ । ପୁରା
ଆକାଶ ସେହିଭଳି ଛୋଟଛୋଟ ଚମକଦାର
ବିନ୍ଦୁରେ ଭରିଉଠେ । କିଛି ଉଜ୍ଜଳ
ଦିଶନ୍ତି ଓ ଆଉ କିଛି ବିନ୍ଦୁ
ଅସ୍ପଷ୍ଟ ଦିଶେ । ସତେକି ଆକାଶରେ
ଅନେକଗୁଡିଏ ହୀରା ଖଚିତ ହୋଇଛି
। ସେଗୁଡିକ ମିଞ୍ଜିମିଞ୍ଜି
ହେଲାପରି ଲାଗନ୍ତି । କିନ୍ତୁ
ତୁମେ ଯଦି ଧ୍ୟାନ ଦେଇ ଦେଖିବ
ସେମାନଙ୍କ ମଧ୍ୟରୁ କିଛି ମିଞ୍ଜିମିଞ୍ଜି
କରୁନଥିବା ପରି ଦିଶିବେ । ସେମାନଙ୍କ
ଚମକ ଚନ୍ଦ୍ର ପରି ସ୍ଥିର ।
ଏହି ସବୁ ଉଜ୍ଜଳ ପିଣ୍ଡଗୁଡିକ ସହ ଚନ୍ଦ୍ରକୁ ମଧ୍ୟ ଅଧିକାଂଶ ଦିନ ଦେଖିବାକୁ ପାଅ । ଅଥଚ ଚନ୍ଦ୍ର ଦିଶିବା ସମୟ, ସ୍ଥାନ ଓ ଚନ୍ଦ୍ରର ଆକୃତି ଭିନ୍ନ ଭିନ୍ନ ହୋଇଥାଏ । ପ୍ରାୟ ପ୍ରତି ମାସରେ ଥରେ ତୁମକୁ ପୂର୍ଣ୍ଣ ଚନ୍ଦ୍ର ଦେଖିବାକୁ ମିଳେ । ଏହାକୁ ଆମେ ପୂର୍ଣ୍ଣିମା ରାତି ବୋଲି କହିଥାଉ । ଏକ ପକ୍ଷ ବା ୧୫ ଦିନ ପରେ ତୁମକୁ ଚନ୍ଦ୍ର ଆଦୌ ଦିଶେ ନାହିଁ । ଏହି ରାତିକୁ ଆମେ ଅମାବାସ୍ୟା କହୁ । ଅମାବାସ୍ୟାରେ ତୁମେ ଆକାଶକୁ ଖୁବ୍ ଭଲଭାବେ ଦେଖିପାରିବ କାରଣ ଆକାଶ ନିର୍ମଳ ଦିଶେ ।
ତୁମେ କେବେ ଚିନ୍ତା କରିଛ କି ଆମେ କାହିଁକି ଚନ୍ଦ୍ର ଓ ଅନ୍ୟ ସବୁ ଉଜ୍ଜଳ ପିଣ୍ଡଗୁଡିକୁ ଦିନବେଳେ ଦେଖିପାରୁନା ? ଏହାର କାରଣ ହେଉଛି ସୂର୍ଯ୍ୟର ଆଲୋକ । ଏହା ଏତେ ଉଜ୍ଜଳ ଯେ ରାତି ଆକାଶରେ ଦିଶୁଥିବା ଉଜ୍ଜଳ ପିଣ୍ଡଗୁଡିକ ଦିନବେଳେ ଦେଖାଯାଏ ନାହିଁ ।
ସୂ୍ର୍ଯ୍ୟ,
ଚନ୍ଦ୍ର
ଓ ଆଉ ଯେତେ ସବୁ ରାତି ଆକାଶରେ
ଚମକୁଥିବା ବସ୍ତୁଗୁଡିକୁ ଆମେ
ମହାଜାଗତିକ
ପିଣ୍ଡ
ବୋଲି କହିଥାଉ । କିଛି ମହାଜାଗତିକ
ପିଣ୍ଡ ଖୁବ୍ ବିଶାଳ ଓ ଉତ୍ତପ୍ତ
। ସେଗୁଡିକ ଗ୍ୟାସ୍ ଦ୍ୱାରା ଗଠିତ
। ସେମାନଙ୍କର ନିଜର ଉତ୍ତାପ ଓ
ଆଲୋକ ଅଛି । ଏହି ଆଲୋକ ବିପୁଳ
ମାତ୍ରାରେ ବିଚ୍ଛୁରିତ ହୁଏ ।
ଏହି ମହାଜାଗତିକ ପିଣ୍ଡଗୁଡିକୁ
ନକ୍ଷତ୍ର
ବା ତାରକା
କୁହାଯାଏ । ସୂର୍ଯ୍ୟ ଏକ ନକ୍ଷତ୍ର
ଅଟେ ।
ରାତିରେ
ଆକାଶରେ ଝଲମଲ କରୁଥିବା ଅଗଣିତ
ତାରକା ସୂର୍ଯ୍ୟ ପରି । କିନ୍ତୁ
ସେମାନେ ଆମ ଠାରୁ ଅନେକ ଦୂରରେ
ଥିବାରୁ ଆମେ ସେମାନଙ୍କର ଆଲୋକ
ଓ ଉତ୍ତାପ ଅନୁଭବ କରିପାରୁନା ।
ସେମାନେ ଖୁବ୍ ଛୋଟ ଦେଖାଯାଆନ୍ତି ।
ତୁମେ
ଲକ୍ଷ୍ୟ କରିଥିବ ଯେ ପ୍ରତି ବସ୍ତୁ
ଦୂରରୁ ଛୋଟ ଦେଖାଯାଏ । ଅନେକ
ଉଚ୍ଚରେ ଉଡୁଥିବା ଉଡାଜାହାଜ
ଆଖିକୁ କେତେ ଛୋଟ ଦିଶେ ।
ରାତିର
ଆକାଶକୁ ଦେଖିବା ବେଳେ ତୁମେ ହୁଏତ
ଲକ୍ଷ୍ୟ କରିଥିବ ନକ୍ଷତ୍ରଗୁଡିକ
ଭିନ୍ନ ଭିନ୍ନ ଆକାରରେ ସଜ୍ଜିତ
ହୋଇ ରହିଛନ୍ତି । ଏଗୁଡିକୁ
ନକ୍ଷତ୍ରପୁଞ୍ଜ
କୁହାଯାଏ । ଉର୍ସା ମେଜର୍ ବା ବିଗ୍
ବିୟର୍ ଏହିପରି ଏକ ନକ୍ଷତ୍ରପୁଞ୍ଜ
ଅଟେ । ସ୍ମଲ୍ ବିୟର୍ ବା ସପ୍ତର୍ଷିମଣ୍ଡଳ
ସହଜରେ ଚିହ୍ନି ହେଉଥିବା ପରି ଏକ
ନକ୍ଷତ୍ରପୁଞ୍ଜ ଅଟେ । ଏହା ସାତଟି
ନକ୍ଷତ୍ରର ସମାହାର ଅଟେ । ଏହା
ଉର୍ସା ମେଜର୍ ନକ୍ଷତ୍ରପୁଞ୍ଜର
ଏକ ଅଂଶ । ତୁମ ପରିବାରରେ ବା ପାଖ
ପଡୋଶୀରେ ରହୁଥିବା କୌଣସି
ବ୍ୟକ୍ତିଙ୍କୁ ତୁମେ ଆକାଶରେ
ଦୃଶ୍ୟମାନ ହେଉଥିବା ଅନ୍ୟ ନକ୍ଷତ୍ର,
ଗ୍ରହ
ଓ ନକ୍ଷତ୍ରପୁଞ୍ଜଗୁଡିକୁ
ଚିହ୍ନାଇଦେବା ପାଇଁ ଅନୁରୋଧ କର
।
ପ୍ରାଚୀନ
କାଳରେ ଲୋକମାନେ ନକ୍ଷତ୍ରମାନଙ୍କ
ସାହାଯ୍ୟରେ ରାତି ସମୟରେ ଦିଗ
ନିର୍ଣ୍ଣୟ କରୁଥିଲେ । ଧ୍ରୁବତାରା
ଉତ୍ତର
ଦିଗ ଦର୍ଶାଇ ଥାଏ ।
ଏହାକୁ
ମେରୁ
ତାରକା
ମଧ୍ୟ କୁହାଯାଏ । ଏହା ସର୍ବଦା
ଆକାଶରେ ଗୋଟିଏ ସ୍ଥାନରେ ସ୍ଥିର
ଭାବେ ରହିଥିବାର ଜଣାପଡେ ।
ସପ୍ତର୍ଷିମଣ୍ଡଳ ସହାୟତାରେ ଆମେ
ଧ୍ରୁବ ତାରାର ସ୍ଥାନ ଜାଣିପାରିବା
। ଚିତ୍ର
କ୍ରମାଙ୍କ ୧.୧କୁ
ଦେଖ । ଲକ୍ଷ୍ୟ କର କିପରି
ସପ୍ତର୍ଷିମଣ୍ଡଳର ଦୁଇଟି ନକ୍ଷତ୍ର
ଦେଇ ଏକ କାଳ୍ପନିକ ରେଖା ଅଙ୍କନ
କଲେ ରେଖାଟି ଧ୍ରୁବତାରାର ସ୍ଥାନ
ଦର୍ଶାଇବ ।
କେତେକ
ମହାଜାଗତିକ ପିଣ୍ଡଗୁଡିକର ନିଜସ୍ୱ
ଆଲୋକ ବା ଉତ୍ତାପ ନାହିଁ ।
ନକ୍ଷତ୍ରମାନଙ୍କର ଆଲୋକରେ ସେମାନେ
ଉଜ୍ଜଳ ଦିଶନ୍ତି । ସେଗୁଡିକୁ
ଗ୍ରହ
କୁହାଯାଏ । ଇଂରାଜୀ ଭାଷାରେ
ଗ୍ରହକୁ ପ୍ଲାନେଟ୍ କୁହାଯାଏ
। ପ୍ଲାନେଟ୍ ଶବ୍ଦଟି ଗ୍ରୀକ୍
ଶବ୍ଦ ପ୍ଲାନେଟାଇରୁ
ଆସିଅଛି ଯାହାର ଅର୍ଥ ହେଲା
ପରିଭ୍ରମଣକାରୀ । ଆମେ ବାସ କରୁଥିବା
ପୃଥିବୀ ମଧ୍ୟ ଏକ ଗ୍ରହ ଅଟେ ।
ଏହାର ସମସ୍ତ ଆଲୋକ ଓ ଉତ୍ତାପ
ସୂର୍ଯ୍ୟ ଠାରୁ ଆସିଥାଏ କାରଣ
ସୂର୍ଯ୍ୟ ପୃଥିବୀର ନିକଟତମ
ନକ୍ଷତ୍ର ଅଟେ । ଆମେ ଯଦି ପୃଥିବୀକୁ
ଖୁବ୍ ଦୂରରୁ ଦେଖିପାରିବା,
ଧରାଯାଉ
ଚନ୍ଦ୍ର ପୃଷ୍ଠରୁ,
ତେବେ
ପୃଥିବୀ ମଧ୍ୟ ଚନ୍ଦ୍ର ପରି ଆଲୋକିତ
ଦେଖାଯିବ ।
ଆମେ ଆକାଶରେ ଦେଖୁଥିବା ଚନ୍ଦ୍ର ଏକ ଉପଗ୍ରହ ଅଟେ । ଏହା ପୃଥିବୀର ଏକ ସହଯାତ୍ରୀ ଓ ପୃଥିବୀର ଚାରିପଟେ ଘୁରୁଥାଏ । ପୃଥିବୀ ପରି ଆଉ ଆଠଟି ଗ୍ରହ ଅଛନ୍ତି ଯେଉଁମାନେ ସୂର୍ଯ୍ୟ ଠାରୁ ଆଲୋକ ଓ ଉତ୍ତାପ ପାଇଥାନ୍ତି । ଏମାନଙ୍କ ମଧ୍ୟରୁ କେତେକଙ୍କର ଉପଗ୍ରହ ମଧ୍ୟ ଅଛି ।
ବି.ଦ୍ର. - ଏହି ଲେଖାଟି ଏନ.ସି.ଇ.ଆର୍.ଟି. ଛାପିଥିବା ଷଷ୍ଠ ଶ୍ରେଣୀ ପାଇଁ ଉଦ୍ଦିଷ୍ଟ ଭୂଗୋଳ ପାଠ୍ୟପୁସ୍ତକର ପ୍ରଥମ ଅଧ୍ୟାୟର ସମ୍ପାଦିତ ଓ ଅନୁଦିତ ଅଂଶ।
No comments:
Post a Comment