ଗିଜୁଭାଇଙ୍କ ଶିକ୍ଷାଦର୍ଶନ - ସ୍ୱାଧୀନତା ଓ ସ୍ୱାବଲମ୍ୱନ
ସମ୍ପାଦନା - ନିଖିଳମୋହନ ପଟ୍ଟନାୟକ
ଗିଜୁଭାଇଙ୍କର ଏକ ବହିର ମଲାଟ (ୱିକିମିଡିଆ କମନ୍ସ୍) |
ଗିଜୁଭାଇଙ୍କର
ଶିକ୍ଷା ଦର୍ଶନରେ ଦ୍ୱିତୀୟ ମୁଖ୍ୟ
ବିନ୍ଦୁ ହେଲା ସ୍ୱାଧୀନତା ।
ପିଲାଟିଏ ଜନ୍ମ ନେବା ପରଠାରୁ
ସ୍ୱାଧୀନ ଭାବରେ ତାହାର କାର୍ଯ୍ୟ
କରିବାକୁ ଇଚ୍ଛା କରିଥାଏ । ପିଲାଙ୍କର
ବସିବା, ଚାଲିବା,
କଥା
କହିବା, ପଢ଼ିବା,
ଲେଖି
ଶିଖିବା ଓ ଅନ୍ୟକୁ ଶିଖାଇବା ଆଦି
ସବୁ କାର୍ଯ୍ୟରେ ସେମାନଙ୍କର
ସ୍ୱାଧୀନ ଇଚ୍ଛା ନିହିତ ଥାଏ ।
ଆମେ
ବଡ଼ମାନେ କିନ୍ତୁ ପ୍ରାୟ ସବୁବେଳେ
ପିଲାଙ୍କର ସ୍ୱାଧୀନତାକୁ ଏଡାଇ
ଯାଇ ଥାଉ । ପିଲାଟିଏ ହାତରେ ଖାଇବାକୁ
ଇଚ୍ଛା କଲା ବେଳେ ଆମେ ତାକୁ ବାଧ୍ୟ
କରି ଖୁଆଇ ଦେଉ । ନିଜ ଇଚ୍ଛାରେ
ପାଣି ପିଇବାକୁ ଚାହୁଁ ଥିଲା ବେଳେ, ଆମେ ତାହାର ହାତ ନ ପାଇବା ଭଳି ଜାଗାରେ
ପାଣି ରଖି ଥାଉ । ନିଜ ପସନ୍ଦରେ ସେ
ପୋଷାକ ପିନ୍ଧୁ (ବା
ଫୁଙ୍ଗୁଳା ଦେହରେ ବୁଲୁ)
ଏ ସୁଯୋଗ
ଆମେ ତାକୁ ଦେଇ ନ ଥାଉ ।
ଗିଜୁଭାଇ
କହୁ ଥିଲେ, ପିଲାମାନଙ୍କୁ ସେମାନେ
ନିଜେ ନିଜେ ସବୁ କରିବାକୁ ସୁଯୋଗ
ଦେବା ଉଚିତ । ଚାଲିବା,
ଦୌଡ଼ିବା,
ସିଡ଼ି ଚଢ଼ିବା, ଗାଧୋଇବା,
ପିନ୍ଧିବା,
ସତ
କହିବା, ସ୍ପଷ୍ଟ
ଭାବରେ ନିଜକୁ ପ୍ରକାଶ କରିବା, ଆଦି ସବୁଥିରେ ଆମେ କେବଳ ସେମାନଙ୍କର
ସହାୟକ ହେବା ଉଚିତ । ସେମାନେ ଯେପରି
ତାଙ୍କ ଆବଶ୍ୟକତା ପୂରଣ କରି ପାରିବେ
ଏବଂ ନିଜର ଇଚ୍ଛା ପୂରଣ ହେଉ ଥିବାରୁ
ଖୁସି ହେବେ । ସେତିକି ଯାଏଁ ଆମେ
ତାଙ୍କୁ ସାହାଯ୍ୟ କରିବା । ଆଉ
ଏହାକୁ ହିଁ ପ୍ରକୃତ ସ୍ୱାଧୀନତା
କୁହାଯିବ । ସେଥି ପାଇଁ ଯେଉଁ ଶିକ୍ଷା
ସ୍ୱାଧୀନ ଭାବରେ ଆଗେଇବା ପାଇଁ ପିଲାକୁ
ସାହାଯ୍ୟ କରେ, ତାକୁ
ପ୍ରାଣଗତ ଶିକ୍ଷା କୁହାଯାଏ ।
ସ୍ୱାଧୀନତା
ଦେବା ବହୁତ ଭଲ କଥା । କିନ୍ତୁ
ଏଥିରେ ଅସୁବିଧା ବି ରହିଛି ।
ପିଲାଙ୍କୁ ତାଙ୍କ ନିଜ କାମ କରିବାକୁ
ଶିଖାଇବା ବହୁତ କଷ୍ଟକର,
କିନ୍ତୁ
ଉପଯୋଗୀ । ଏଥି ପାଇଁ ବହୁତ ଧୈର୍ଯ୍ୟ
ଦରକାର । ଗିଜୁଭାଇଙ୍କ ମତରେ
ଆବଶ୍ୟକତା ନ ଥାଇ ସାହାଯ୍ୟ କଲେ
ତାହା ପିଲାର ସ୍ୱାଭାବିକ ବିକାଶରେ
ବାଧା ପହଞ୍ଚାଏ ।
ବି.ଦ୍ର.: ଏହି ଲେଖାଟି 'ଗିଜୁଭାଇ ଶିକ୍ଷା ନିଧି' ବହିରୁ ଆନୀତ । ଏହି ପୁସ୍ତକଟି ଭୁବନେଶ୍ୱରର ଜାଗମରା ଠାରେ ସ୍ଥିତ 'ସୃଜନିକା' ସଂସ୍ଥା ଦ୍ୱାରା ୨୦୦୫ ମସିହାର ମାର୍ଚ୍ଚ ମାସରେ ଛପାଯାଇଥିଲା । ବହିଟିର ସମ୍ପାଦକ ହେଲେ ନିଖିଳ ମୋହନ ପଟ୍ଟନାୟକ । ବହିଟିର ଓଡିଆ ଉପସ୍ଥାପନା କରିଛନ୍ତି ପୁଷ୍ପଶ୍ରୀ ପଟ୍ଟନାୟକ, ମମତା ସେନାପତି ତଥା ପଦ୍ମଜା ନନ୍ଦିନୀ ସାହୁ । ବହିଟି ଭୁବନେଶ୍ୱରର ଆଚାର୍ଯ୍ୟ ବିହାର ସ୍ଥିତ ଶୋଭନ ସଂସ୍ଥା ଛପାଇଥିଲେ । ବହିଟିର ଏହି ସଂସ୍କରଣଟିର ଦାମ ଥିଲା ଷାଠିଏ ଟଙ୍କା ।
No comments:
Post a Comment