ଗିଜୁଭାଇଙ୍କ ଶିକ୍ଷାଦର୍ଶନ - ସ୍ୱତନ୍ତ୍ରତା ଓ ସ୍ୱଅନୁଶାସନ
ସମ୍ପାଦନା - ନିଖିଳମୋହନ ପଟ୍ଟନାୟକ
ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ସ୍ୱତନ୍ତ୍ରତା
ପିଲାର ବିକାଶରେ ସ୍ୱତନ୍ତ୍ରତାର ଗୁରୁତ୍ୱପୂର୍ଣ୍ଣ ଭୂମିକା ହେଉଛି ଗିଜୁଭାଇଙ୍କର ଶିକ୍ଷା ଦର୍ଶନର ତୃତୀୟ ମୁଖ୍ୟ କଥା । ପିଲାମାନେ ଆତ୍ମନିର୍ଭରଶୀଳ ହେବାକୁ ଶିଖିବାର ଅର୍ଥ ହେଉଛି ସ୍ୱତନ୍ତ୍ରତା । ବଡ଼ମାନେ ପିଲାଙ୍କର ସ୍ୱତଃସ୍ପୁର୍ତ୍ତ ସମ୍ମାନ ଦେଲେ ହିଁ ପିଲାମାନେ ନିଜର ସ୍ୱଭାବ ଅନୁଯାୟୀ ଆଗେଇ ଯାଇ ପାରିବେ ।
ସ୍ୱାଧୀନ
ବାତାବରଣରେ କିପରି ଧୀରେ ଧୀରେ, କିନ୍ତୁ
ବ୍ୟବସ୍ଥିତ ଢଙ୍ଗରେ କାମ କରାଯାଏ
ତଥା ଅନାଗ୍ରହୀ ପିଲାଙ୍କ ସହ କିପରି
କାମ କରା ଯାଏ, ସେ ବିଷୟରେ ଗିଜୁଭାଇ
ଅନେକ ଉଦାହରଣ ଦେଇ ବର୍ଣ୍ଣନା
କରିଛନ୍ତି । ଏହି ବିଷୟରେ ତାଙ୍କ
ଚିନ୍ତାଧାରାକୁ ସେ ବାଲମନ୍ଦିରରେ
ପ୍ରୟୋଗ କରି ଦେଖି ଥିଲେ । ପ୍ରତ୍ୟେକ
ପିଲା ପରସ୍ପରଠାରୁ ଭିନ୍ନ ।
ସେମାନଙ୍କର ସ୍ୱତନ୍ତ୍ର ବ୍ୟକ୍ତିତ୍ୱ
ରହି ଥାଏ । ଏହି ସ୍ୱତନ୍ତ୍ରତାକୁ
ଦୃଷ୍ଟିରେ ରଖି ସେମାନଙ୍କର ବିକାଶ
ଦିଗରେ ସହାୟକ ହେବା ହେଉଛି
ଶିକ୍ଷକମାନଙ୍କର ଦାୟିତ୍ୱ ।
ସ୍ୱଅନୁଶାସନ
ଗିଜୁଭାଇଙ୍କ
ଦର୍ଶନରେ ସ୍ୱଅନୁଶାସନ ଆଉ ଏକ
ମୁଖ୍ୟ ବିଷୟ । ସ୍ୱାଧୀନତା ଏବଂ
ସ୍ୱତନ୍ତ୍ରତା ଭଳି ଏହି ଚିନ୍ତାଧାରା
ମଧ୍ୟ ତାଙ୍କୁ ମଣ୍ଟେସୋରୀଙ୍କ
ପାଖରୁ ହିଁ ମିଳି ଥିଲା । ଛୋଟ ଛୋଟ
ପିଲାମାନେ ତାଙ୍କ ନିଜ ଦାୟିତ୍ୱରେ
ଅନେକ କିଛି କରି ପାରନ୍ତି ।
ଗିଜୁଭାଇଙ୍କର ବାଲମନ୍ଦିରରେ
ପିଲାମାନେ ଖାଦ୍ୟ ପରସିବା, ଘର
ସଫା କରିବା, ଜିନିଷପତ୍ର
ସଜାଡ଼ି ରଖିବା ଆଦି ଅନେକ କାମ ନିଜେ
ନିଜେ କରନ୍ତି । ଖାଦ୍ୟ ପରସିବା
ବେଳେ କେବେ ବାସନ ତଳେ ଖସି ପଡେ
ନାହିଁ କିମ୍ୱା ଖାଦ୍ୟର ଦାନାଟିଏ
ମଧ୍ୟ ତଳେ ପଡ଼ି ଯାଏ ନାହିଁ । ଏପରି
ଅନୁଶାସନ ବଡ଼ମାନଙ୍କର ଆଦେଶ ବା
ଉପଦେଶ ମାଧ୍ୟମରେ ସମ୍ଭବ ହୁଏ ନାହିଁ ।
ବରଂ ପିଲାମାନଙ୍କର ନିଜର ଚେଷ୍ଟା
ଓ ଇଚ୍ଛାରେ ସମ୍ଭବ ହୋଇ ଥାଏ । ଆଦେଶ
ଦେଇ ପିଲାର ଏସବୁ ପ୍ରବୃତ୍ତି
ବିକଶିତ କରା ଯାଇ ପାରିବ ନାହିଁ ।
ଏହା ସ୍ୱତଃସ୍ପର୍ତ୍ତ ହୋଇ ଥାଏ ।
ଅର୍ଥାତ ପିଲାର ବିକାଶ ଅନୁସାରେ
ଉପୁଜି ଥିବା ଆବଶ୍ୟକତାରୁ ହିଁ
ଏହା ଆସି ଥାଏ । ପିଲାମାନଙ୍କର
ସ୍ୱାଭାବିକ ବିକାଶ ଉପରେ ଗୁରୁତ୍ୱ
ଦେଇ ସେମାନଙ୍କ ସହିତ ସହଯୋଗ କରିବା
ଜରୁରୀ ।
କିଛି
ପରୀକ୍ଷା କରିବା ପାଇଁ ପିଲାକୁ
ସ୍ୱାଧୀନତା ଦେବା ବି ପିଲାକୁ
ସହଯୋଗ କରିବା । ତାହାର ଚାଲିଚଳନରେ
ସେ କିପରି ବ୍ୟବସ୍ଥିତ ହୋଇ ପାରିବ, ସେ ଦିଗରେ ବି ସହାୟତା କରା ଯାଇ ପାରେ ।
ଚଉକି ଉପରେ ବସିବା, ଠିଆ
ହେବା, ଚାଲିବା, ମାଟି
ଉପରେ ଟଣା ଯାଇଥିବା ଗାର ଉପରେ
ଚାଲିବା, କେଉଁଠି
ନ ଆଉଜି ସିଧା ଠିଆ ହେବା ପିଲାକୁ
ଶିଖାଇବା ଦରକାର । ଏଠୁ ସେଠିକି
ଜିନିଷ ନେବା, ସଜାଡି
ରଖିବା, ଠିକ
ଭାବରେ ପୋଷାକ ପିନ୍ଧିବା, ଆଦି
ମଧ୍ୟ ତାକୁ ଶିଖାଇବା ଉଚିତ ।
ବି.ଦ୍ର.: ଏହି ଲେଖାଟି 'ଗିଜୁଭାଇ ଶିକ୍ଷା ନିଧି' ବହିରୁ ଆନୀତ । ଏହି ପୁସ୍ତକଟି ଭୁବନେଶ୍ୱରର ଜାଗମରା ଠାରେ ସ୍ଥିତ 'ସୃଜନିକା' ସଂସ୍ଥା ଦ୍ୱାରା ୨୦୦୫ ମସିହାର ମାର୍ଚ୍ଚ ମାସରେ ଛପାଯାଇଥିଲା । ବହିଟିର ସମ୍ପାଦକ ହେଲେ ନିଖିଳ ମୋହନ ପଟ୍ଟନାୟକ । ବହିଟିର ଓଡିଆ ଉପସ୍ଥାପନା କରିଛନ୍ତି ପୁଷ୍ପଶ୍ରୀ ପଟ୍ଟନାୟକ, ମମତା ସେନାପତି ତଥା ପଦ୍ମଜା ନନ୍ଦିନୀ ସାହୁ । ବହିଟି ଭୁବନେଶ୍ୱରର ଆଚାର୍ଯ୍ୟ ବିହାର ସ୍ଥିତ ଶୋଭନ ସଂସ୍ଥା ଛପାଇଥିଲେ । ବହିଟିର ଏହି ସଂସ୍କରଣଟିର ଦାମ ଥିଲା ଷାଠିଏ ଟଙ୍କା ।
No comments:
Post a Comment