ପିଲାଙ୍କ ପାଇଁ କବିତା - 'ରାମ ଔର ଶ୍ୟାମ'
କବି - ଜଗନ୍ନାଥ ପ୍ରସାଦ ଦାସ
ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ରାମ ଓ ଶ୍ୟାମ ଜାଆଁଳା ଭାଇ
ଗାଁରେ ଡାକ ନାମ
ଅଜବ ସବୁ କାମ ତାଙ୍କର
ବିଧି ତାଙ୍କର ବାମ ।
ରାମ ଠକିଲେ ଶ୍ୟାମକୁ ଠିକ
ଛ' ମାସ ହୁଏ ଜେଲ
ପରୀକ୍ଷା ଦିଏ ରାମ ତଥାପି
ଶ୍ୟାମ ହିଁ ହୁଏ ଫେଲ ।
ଏପରି ହୋଇ ଗଡ଼ିଲା ଦିନ
ପଡ଼ିଲା ତାଙ୍କ ଦିହ
ଶେଷରେ ଆଉ ବାହା ହେବାକୁ
ମିଳିଲେ ନାହିଁ ଝିଅ ।
ଗାଁରୁ ଯିବେ ପଳାଇ ବୋଲି
ଭାବିଲେ ମନେ ମନେ
ବିନା ଟିକେଟ ଟ୍ରେନରେ ଚଢ଼ି
ବସିଲେ ଯାଇ ଦିନେ ।
ଛତ୍ରପତି ଶିବାଜୀ ଠାରେ
ଟ୍ରେନ ରହିଲା ଆସି
ବଲିଉଡ଼୍ରେ ଦି ଭାଇ ଏବେ
ଦିହିଁକି ଦିହେଁ ଖୁସି ।
ବି.ଦ୍ର. - ଏହି କବିତାଟି ଜଗନ୍ନାଥ ପ୍ରସାଦ ଦାସ ଲିଖିତ ବହି 'ଆନମାନ'ରୁ ନିଆଯାଇଅଛି । ବହିଟି ଭୁବନେଶ୍ୱରସ୍ଥ ପ୍ରକାଶନ ସଂସ୍ଥା ଟାଇମପାସ ୨୦୧୬ ମସିହାର ମାର୍ଚ୍ଚ ମାସରେ ଛପାଇଥିଲେ ।
No comments:
Post a Comment