ପିଲାଙ୍କ ପାଇଁ କବିତା - 'ବିଲାତୀ ଜନ୍ତୁ'
କବି - ଜଗନ୍ନାଥ ପ୍ରସାଦ ଦାସ
ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ହୋ ହୋ ହୋଇ ହସୁଛି ହାଇନା
କୁକୁର ଧକାଏ ଥକି,
ଜେବ୍ରା ଚାଲୁଛି ସହର ଛକରେ
ପଟା ପଟା ଦାଗ ଦେଖି ।
ବିଲେଇ ଯାଉଛି ଚୋରି କରିବାକୁ
ଠେକୁଆ ମାରିଲା ମୁଥି,
କୋକିଶିଆଳୀର ତାକ୍ଧିନ୍ ଦେଖି
ହେଟାବାଘ ଦେଲା ସିଟି ।
କୁମ୍ଭୀର କାନ୍ଦୁଛି ସକ ସକ ହୋଇ
ଆଖିରେ ଆଖିଏ ଲୁହ,
ଦି ହାତରେ ଭାଲୁ ଜାବୁଡ଼ି ଧରିଛି
କେମିତି ଖସିବ କହ ।
ବି.ଦ୍ର. - ଏହି କବିତାଟି ଜଗନ୍ନାଥ ପ୍ରସାଦ ଦାସ ଲିଖିତ ବହି 'ଆନମାନ'ରୁ ନିଆଯାଇଅଛି । ବହିଟି ଭୁବନେଶ୍ୱରସ୍ଥ ପ୍ରକାଶନ ସଂସ୍ଥା ଟାଇମପାସ ୨୦୧୬ ମସିହାର ମାର୍ଚ୍ଚ ମାସରେ ଛପାଇଥିଲେ ।
No comments:
Post a Comment