ଗିଜୁଭାଇଙ୍କ ଅନୁଭୂତି: ଅନୁଭୂତିରୁ ମୁକ୍ତିର ବାଟ
ସମ୍ପାଦନା - ନିଖିଳମୋହନ ପଟ୍ଟନାୟକ
'ଗିଜୁଭାଇ ଶିକ୍ଷାନିଧି'ର ମଲାଟ (ୱିକିମିଡିଆ କମନ୍ସ୍) |
ଗିଜୁଭାଇଙ୍କର
ଏଭଳି ସ୍ମୃତି ସହ ଦକ୍ଷିଣାମୂର୍ତ୍ତି
ବାଲମନ୍ଦିରର କାର୍ଯ୍ୟକ୍ରମକୁ
ତୁଳନା କଲେ ଜଣାଯିବ ଯେ, ପିଲାଦିନେ
ସେ ନିଜେ ଯାହା ସବୁ ଅସୁବିଧା
ଭୋଗିଥିଲେ ଏବଂ ପରେ ଦେଖିଥିଲେ, ସେସବୁକୁ ଦୂର କରିବା ହିଁ ତାଙ୍କର
ମୂଳ ଉଦ୍ଦେଶ୍ୟ ଥିଲା । ମାଡ଼,
ଆତଙ୍କର
ପରିବେଶରୁ କୋମଳପତି ପିଲାଙ୍କୁ
ସେ ଉଦ୍ଧାର କରିଥିଲେ । ତା' ସହିତ
ପ୍ରତିଭାର ବିକାଶ ପାଇଁ ପ୍ରେମ,
ଆନନ୍ଦ
ଏବଂ ସ୍ୱତନ୍ତ୍ରତାର ଏକ ସୁନ୍ଦର
ବାତାବରଣ ସୃଷ୍ଟି କରିଥିଲେ ।
ଥରେ
ଗୋଟିଏ ପ୍ରତିଛବି ତାଙ୍କ ମନରେ
କିଛି ବିଶେଷ ପ୍ରତିକ୍ରିୟା
ଆଣିଥିଲା । ତା'ର ବର୍ଣ୍ଣନା କରି
ସେ ଲେଖିଥିଲେ,
“କେତେ
ବର୍ଷ ଆଗରୁ ଦେଖିଥିବା ଛବିଟିଏ
ଆଖି ଆଗରେ ନାଚୁଛି । ଲଣ୍ଡନର ଗୋଟିଏ
ବ୍ୟୟବହୁଳ ଛକ ଉପରେ ପୋଲିସଟିଏ
ଠିଆ ହୋଇଛି । ଚାରି ଦିଗରୁ ଆସୁଥିବା
ଗାଡ଼ିଗୁଡ଼ିକୁ ସେ ତାର ଦୁଇ ହାତରେ
ଅଟକାଇ ଦେଉଥିଲା । ଗୋଟିଏ ଛୋଟ
ପିଲା ତାର ସ୍ୱାଭାବିକ ଢଙ୍ଗରେ
ରାସ୍ତାରେ ଏ ମୁଣ୍ଡରୁ ସେ ମୁଣ୍ଡକୁ
ଚାଲି କରି ଯାଉଥିଲା । ଏ ଚିତ୍ରର
କଣ କିଛି ଅର୍ଥ ଅଛି ?”
ଚିତ୍ରର
ବ୍ୟାଖ୍ୟା ଯେ କିପରି କରିଥିଲେ
ତାହା ଜଣା ନାହିଁ । କିନ୍ତୁ
ଗିଜୁଭାଇଙ୍କୁ ଜାଣିଥିବା ଲୋକମାନେ
ଭାବନ୍ତି ଯେ, ପୋଲିସବାଲା ଜାଗାରେ
ଗିଜୁଭାଇଙ୍କୁ ରଖି ଚାରି ଦିଗରୁ
ଆସୁଥିବା ଗାଡ଼ିଗୁଡ଼ିକୁ ପିଲାଙ୍କ
ବିକାଶ ଦିଗରେ ଆସୁଥିବା ବାଧା
ବୋଲି ଧରି ନେଲେ ଚିତ୍ରଟି ଗିଜୁଭାଇଙ୍କ
କୃତିତ୍ୱର ଗୋଟିଏ ଜୀବନ୍ତ ଛବି
ହୋଇଯିବ ।
ବି.ଦ୍ର - ଏହି ଲେଖାଟି 'ଗିଜୁଭାଇ ଶିକ୍ଷା ନିଧି' ବହିରୁ ଆନୀତ । ଏହି ପୁସ୍ତକଟି ଭୁବନେଶ୍ୱରର ଜାଗମରା ଠାରେ ସ୍ଥିତ 'ସୃଜନିକା' ସଂସ୍ଥା ଦ୍ୱାରା ୨୦୦୫ ମସିହାର ମାର୍ଚ୍ଚ ମାସରେ ଛପାଯାଇଥିଲା । ବହିଟିର ସମ୍ପାଦକ ହେଲେ ନିଖିଳ ମୋହନ ପଟ୍ଟନାୟକ । ବହିଟିର ଓଡିଆ ଉପସ୍ଥାପନା କରିଛନ୍ତି ପୁଷ୍ପଶ୍ରୀ ପଟ୍ଟନାୟକ, ମମତା ସେନାପତି ତଥା ପଦ୍ମଜା ନନ୍ଦିନୀ ସାହୁ । ବହିଟି ଭୁବନେଶ୍ୱରର ଆଚାର୍ଯ୍ୟ ବିହାର ସ୍ଥିତ ଶୋଭନ ସଂସ୍ଥା ଛପାଇଥିଲେ । ବହିଟିର ଏହି ସଂସ୍କରଣଟିର ଦାମ ଥିଲା ଷାଠିଏ ଟଙ୍କା ।
No comments:
Post a Comment