ଓଡ଼ିଶାର ଇତିହାସ - ଓଡ଼ିଶାର ନଦନଦୀ
ପ୍ୟାରୀମୋହନ ଆଚାର୍ଯ୍ୟ
ଭୁବନେଶ୍ୱର ଉପକଣ୍ଠରେ ସ୍ଥିତ ଧଉଳି ପାହାଡ଼ରୁ ଦୟା ନଦୀର ଦୃଶ୍ୟ |
ନଦୀ
ଓ ଉତ୍ସ-
ବର୍ଷାପାଣି,
ଗଳିତବରଫ,
ପ୍ରାକୃତିକ
ଜଳପ୍ରସ୍ରବଣ ନଦୀ ଉତ୍ପତ୍ତିର
ମୂଳହେତୁ । ଓଡିଶା ନଦୀମାନଙ୍କ
ସଙ୍ଗେ ଗଳିତବରଫର କୌଣସି ସଂସ୍ରବ
ନାହିଁ । ବର୍ଷା ଓ ଝରଣା ପାଣି ଏଠା
ସ୍ରୋତସ୍ୱତୀଚୟର ପ୍ରଧାନ ଉପାଦେୟ ।
ଗ୍ରୀଷ୍ମ ଓ ଶୀତକାଳରେ ଏମାନଙ୍କ
ସୂଷ୍ମସୂତ୍ର ପ୍ରାୟ ସୁବିସ୍ତୀର୍ଣ୍ଣ
ବାଲୁକାଶଯ୍ୟା ମଧ୍ୟ ଦେଇ ଧୀରେ
ଧୀରେ ସମୁଦ୍ରଦିଗକୁ ଗତି ବିସ୍ତାର
କରଇ । ବର୍ଷାକାଳ ଉପସ୍ଥିତ ହେଲେ
ଏମାନଙ୍କ ଆକାର ଏକାବେଳକେ
ପରିବର୍ତ୍ତିତ ହୋଇଯାଏ । ସୂଷ୍ମସୂତ୍ର
ପ୍ରକାଣ୍ଡ ଗଣ୍ଡିରେ ପରିଣତ ହୁଏ ।
ଆରବସାଗରରୁ ପଶ୍ଚିମବାୟୁ ଉତ୍ଥିତ
ହୋଇ ଅଧିକାଂଶ ଓଡିଶା ନଦୀ ଯେଉଁ
ଯେଉଁ ପର୍ବତରୁ ଉତ୍ପନ୍ନ ହୋଇଅଛି,
ସେହି
ସେହି ପର୍ବତ ପାହାଡର ଶିରୋଭାଗରେ
ନିର୍ଧୂମ ବର୍ଷା ପାଣି ବର୍ଷଣ
କରଇ । ଭୀଷଣ ବେଗ ଧାରଣ କରି ସ୍ରୋତ
ପ୍ରବାହିତ ହୁଏ । ସ୍ରୋତ ସଙ୍ଗେ
ସଙ୍ଗେ ପର୍ବତ ପାହାଡ ଓ ଉଚ୍ଚଭୂମିମାନଙ୍କରୁ
ଅନେକ କର୍ଦ୍ଦମ ଭାସି ଆସେ । ଏହି
କର୍ଦ୍ଦମ ନିମ୍ନ ସମତଳଭୂମିରେ
ପଟ୍ଟ ରୂପେ ଜମା ହୋଇ, ବର୍ଷକୁ ବର୍ଷ
ଓଡ଼ିଶାରେ ନୂତନ ଭୂମି ଉତ୍ପାଦିତ
ହେଉଅଛି ଓ ନଦୀଗର୍ଭମାନ କ୍ରମଶଃ
ଉଚ୍ଚ ହୋଇ ଉଠୁଅଛି । ୧୭୦୮ ମସିହାରେ
ବୁଢାବଳଙ୍ଗ କୂଳସ୍ଥିତ ବାଲେଶ୍ୱର
ନଗର ଚାରି ମାଇଲ ଅନ୍ତରରେ ଅବସ୍ଥିତ
ଥିଲା,
ବର୍ତ୍ତମାନ
ସାତ ମାଇଲ ଅନ୍ତରରେ ସ୍ଥିତ ହୋଇଅଛି ।
ବର୍ତ୍ତମାନ ଓଡିଶା ନଦୀମାନଙ୍କର
ଗର୍ଭ ସାଧାରଣତଃ ଏତେ ଉଚ୍ଚ ହୋଇଅଛି
ଯେ, ନଦୀ ମଧ୍ୟ ଦେଇ ବହିଯିବା ପାଣି
କୂଳ ଉଛୁଳି ଦେଶ ମଧ୍ୟରେ ପ୍ରବେଶ
କରି ଗୃହବାସ ଓ ଶସ୍ୟାଦି ନଷ୍ଟ
କରିବା ଭୟରେ ବହୁବ୍ୟୟସିଦ୍ଧ
ବନ୍ଧମାନ ଅଧିକାଂଶ ନଦୀର ଦୁଇ ପାର୍ଶ୍ୱରେ
ଦିଆ ହୋଇଅଛି । ସମୟ ସମୟରେ ଅତି
ବଢ଼ି ହେଲେ ନଦୀଗର୍ଭ ଦେଇ ଯେତେ
ପାଣି ବହିଯାଇ ପାରେ, ତଦପେକ୍ଷା
ଦ୍ୱିଗୁଣ ବା ତତୋଧିକ ପାଣି ଆସଇ
ଓ ଏଥି ଦ୍ୱାରା ଦେଶର କିରୂପ ଅନିଷ୍ଟ
ହୁଏ, ହାତୀ
ଘୋଡ଼ା ପର୍ଯ୍ୟନ୍ତ କି ପ୍ରକାରେ
ଭାସିଯାଏ,
ଗତ
୧୮୭୨ ମସିହା ଜୁନମାସ ମହାନଦୀ
ବଢ଼ିରେ ତାହା ଅନେକ ନେତ୍ରଗୋଚର
କରି ଅଛନ୍ତି । ଏକାବେଳକେ ଭୀଷଣ ବେଗରେ
ରାଶି ରାଶି ପାଣି ବହିବାରୁ ଓଡିଶା
ନଦୀମାନଙ୍କରେ ଅନେକ ଅତଡ଼ା ପଡ଼ି ବର୍ଷକୁ ବର୍ଷ ଉଭୟ କୂଳ ସ୍ଥାନ
ସ୍ଥାନରେ ବିସ୍ତୃତ ହେଉଅଛି ।
ପ୍ରବାଦ ଅଛି ଯେ, ଏକ ସମୟରେ କାଠଯୋଡ଼ି ନଦୀକି ଲୋକେ ଦୁଇଖଣ୍ଡ କାଠ ପକାଇ
ପାରି ହେଉଥିଲେ । ବର୍ତ୍ତମାନ ଏହା
ଅର୍ଦ୍ଧକ୍ରୋଶାଧିକ ବିସ୍ତୃତ
ହୋଇଅଛି । ଓଡ଼ିଶା ନଦୀମୁହାଣମାନଙ୍କରେ
ପ୍ରାକୃତିକ ବାଲିବନ୍ଧମାନ ଉଦିତ
ହେବାରୁ କ୍ରମଶଃ ଏମାନେ ଦିନକୁଦିନ
ଅନାବ୍ୟ ହୋଇ ଉଠୁଅଛି ।
ମହାନଦୀ,
ବ୍ରାହ୍ମଣୀ,
ବୈତରଣୀ,
ସାଳନ୍ଦୀ,
କାଁଶବାଁଶ,
ବୁଢାବଳଙ୍ଗ
ଓ ସୁବର୍ଣ୍ଣରେଖା ଓଡିଶା ମଧ୍ୟରେ
ପ୍ରଧାନ ନଦୀ ଅଟଇ।
ସମସ୍ତ
ନଦୀ ମଧ୍ୟରେ ମହାନଦୀ ଶ୍ରେଷ୍ଠତମ ।
ଏ ନଦୀ ଗଣ୍ଡୁଆନା ପ୍ରଦେଶରୁ
ଉତ୍ପନ୍ନ ଓ ରଙ୍ଗତେଲ ପ୍ରଭୃତି
ଗୋଟିକେତେ ଉପନଦୀ ଦ୍ୱାରା
ବର୍ଦ୍ଧିତକାୟ ହୋଇ ବୌଦଠାରେ
ଗଡଜାତ ମଧ୍ୟରେ ପ୍ରବେଶ କରିଅଛି ।
ତଦନନ୍ତର ସାଲକୀ,
କୁସୁମୀ,
ସାପୁଆ
ଓ ଆଉ ଅନେକ ଉପନଦୀମାନଙ୍କ ଦ୍ୱାରା
ସମ୍ମିଳିତ ହୋଇ ନରାଜଠାରେ ମୋଗଲବନ୍ଦୀ
ମଧ୍ୟରେ ପ୍ରବିଷ୍ଟ ହୋଇଅଛି ।
କାଠଯୋଡ଼ି,
ବିରୂପା,
ଚିତ୍ରତୋଳା,
ପାଇକା
ଏହି କେତୋଟି ମୋଗଲବନ୍ଦୀ ମଧ୍ୟରେ
ମହାନଦୀର ପ୍ରଧାନ ଶାଖାନଦୀ ଅଟଇ।
କାଠଯୋଡ଼ିରୁ ପୁଣି କୁଆଖାଈ ଓ
କୁଆଖାଈରୁ ଭାର୍ଗବୀ, କୁଶଭଦ୍ରା
ପ୍ରଭୃତି କେତୋଟି ଶାଖା ବାହାରି
ପୁରୀ ଜିଲ୍ଲାରେ ଜଳ ଯୋଗାଉଅଛି ।
ସମ୍ୱଲପୁର ଓ କଟକ ମହାନଦୀ ତୀରରେ
ଅବସ୍ଥିତ । କଣ୍ଟିଲୋ,
ପଦ୍ମାବତୀ,
ବୈଦ୍ୟେଶ୍ୱର,
ଚର୍ଚ୍ଚିକା
ପ୍ରଭୃତି ଗୋଟିକେତେ ଗଡ଼ଜାତି ପେଣ୍ଠ ମଧ୍ୟ ମହାନଦୀ କୂଳରେ ସ୍ଥିତ
ହୋଇଅଛି । ମହାନଦୀ ମୁହାଣଠାରେ
ନାବ୍ୟ । ନରାଜ ଓ ଯୋବ୍ରାଠାରେ
ଯୋଡ଼ିଏ ପଥର ବନ୍ଧ ପଡ଼ି ଓ ଗୋଟିକେତେ
ନାଳ କଟା ହୋଇ ବର୍ତ୍ତମାନ କଟକ ଓ
ନରାଜ ପର୍ଯ୍ୟନ୍ତ ବଡ଼ ବଡ଼ ନୌକା ଓ
କ୍ଷୁଦ୍ର କ୍ଷୁଦ୍ର ଧୂଆଁକଳମାନ
ଯାତାୟାତ କରୁଅଛି । କଟକଠାରୁ
ସମ୍ୱଲପୁର ପର୍ଯ୍ୟନ୍ତ ଦେଶୀୟ
ନୌକା ସଚରାଚର ଯାତାୟାତ କରଇ ।
ପୂର୍ବେ ମହାନଦୀ ଓ କାଠଯୋଡ଼ି ଶଯ୍ୟା
ଆଜିକାଲି ପରି ବିସ୍ତୃତ ନଥିଲା ।
ବର୍ଷକୁ ବର୍ଷ ନଈକୂଳମାନ ଅତଡା
ଖାଇ ଶଯ୍ୟା ବିସ୍ତାରିତ ହେଉଅଛି ।
ବ୍ରାହ୍ମଣୀନଦୀ
ଛୋଟନାଗପୁର ପ୍ରଦେଶରୁ ବହିର୍ଗତ
ହୋଇ ତାଳଚେରର ଉତ୍ତରପୂର୍ବ ସୀମାରେ
ଗଡଜାତ ସ୍ପର୍ଶ କରି,
ସାମକୋଈ,
ନିଗ୍ରା
ପ୍ରଭୃତି ଗୋଟିକେତେ ଉପନଦୀ ଦ୍ୱାରା
ପୁଷ୍ଟକଳେବର ହୋଇ ସୁକିନ୍ଦା ଓ
ବଳରାମପୁର ଗଡ଼ଠାରେ ମୋଗଲବନ୍ଦୀ
ମଧ୍ୟତ୍ୱ ପ୍ରବେଶ କରିଅଛି । ଏଥିରୁ
ଖରୁସୁଆ ଓ କିହ୍ନିରିଆ ନାମକ ଯୋଡିଏ
ଶାଖାନଦୀ ବାହାରି ଏଥି ସଙ୍ଗେ
ମିଳିତ ହୋଇଅଛି । ବିରୂପା ମହାନଦୀରୁ
ବାହାରି ଓ ବୁଢ଼ା ବୈତରଣୀରୁ ବାହାରି
ଏଥି ସଙ୍ଗେ ମିଳିଅଛି । ବ୍ରାହ୍ମଣୀରୁ
ମାଇପଡ଼ା ନାମକ ଗୋଟିଏ ଶାଖା ବାହାରି
ସାଗରରେ ପଡ଼ିଅଛି । ଆଉ ଗୋଟିଏ ଶାଖା
ଗୋବରୀନଦୀ ସଙ୍ଗେ ମିଳିତ ହୋଇ
ଗଣ୍ଡାଖିଆ ନାମ ଘେନି ଯମ୍ୱୁନଦୀ
ସଙ୍ଗେ ମିଶିଅଛି । ଅବଶେଷରେ
ବ୍ରହ୍ମଣୀ ବୈତରଣୀ ସଙ୍ଗେ ସମ୍ମିଳିତ
ହୋଇ ସାଗରରେ ପତିତ ହୋଇଅଛି;
ଏହି
ସମ୍ମିଳିତ ନଦୀର ନାମ ଧାମରା,
ଏହି
ଧାମରା ସୁନ୍ଦର ନାବ୍ୟ ଅଟେ ।
ପ୍ରତି ସପ୍ତାହରେ ବଡ଼ ବଡ଼ ଜାହାଜମାନ
ଏଥି ମଧ୍ୟକୁ ଯାତାୟାତ କରୁଅଛି ।
ଧାମରା ନାମକ ଏକ ବନ୍ଦର ଏହି
ଧାମରାନଦୀର ଉତ୍ତର ତୀରରେ ଅବସ୍ଥିତ ।
ପଟ୍ଟାମୁଣ୍ଡେଇ ଓ ଧର୍ମଶାଳା
ବ୍ରାହ୍ମଣୀ ତୀରରେ ସ୍ଥିତ ହୋଇଅଛି ।
ତାଳଚେରଗଡ଼ ବ୍ରାହ୍ମଣୀନଦୀ ଉପରେ
ଓ ଢେଙ୍କନାଳ ପ୍ରାୟ ଚାରିକ୍ରୋଶ
ଅନ୍ତରରେ ଅବସ୍ଥିତ ।
ବୈତରଣୀ
ଓଡ଼ିଶାର ଏକ ପୁଣ୍ୟା ପୟସ୍ୱିନୀ
ଅଟଇ । କେନ୍ଦୁଝରର ପୂର୍ବଦିଗସ୍ଥିତ
ଗନ୍ଧମାର୍ଦନ ପର୍ବତ ନିକଟରୁ ଉତ୍ଥିତ
ହୋଇଅଛି । ଓରାଡିଆ,
କଇରୋ,
କି଼ଞ୍ଜୋର
ପ୍ରଭୃତି ଗୋଟିକେତେ ଉପନଦୀଦ୍ୱାରା
ପୁଷ୍ଟକାୟ ହୋଇ କଟକ ଜିଲ୍ଲାକୁ
ବାଲେଶ୍ୱର ଜିଲ୍ଲାରୁ ବିଭକ୍ତ
କରିବା ସକାଶେ ବାଲିପୁର ଗ୍ରାମଠାରେ
ବୈତରଣୀ ମୋଗଲବନ୍ଦୀରେ ପ୍ରଥମ
ଉଦିତ ହୋଇଅଛି। ବୁଢ଼ାନଦୀ ଏହାର
ଏକମାତ୍ର ଶାଖା । ସାଳନ୍ଦୀନଦୀ
ବୈତରଣୀ ସଙ୍ଗେ ମିଳିତ ହୋଇଅଛି ।
ଅବଶେଷରେ ବୈତରଣୀ ବ୍ରାହ୍ମଣୀ
ମିଳିତ ସମୁଦ୍ର ଦିଗକୁ ବହି ଯାଉଅଛି ।
ବୈତରଣୀ ଦୁଇ ପାହାଡ଼ ଗହ୍ୱର ମଧ୍ୟରୁ
ବାହାରି ଅଛି ବୋଲି ଲୋକେ ଏହାକୁ
ଗୋମୁଖୀ ପର୍ବତରୁ ବାହାରି ଥିବାର
କହି ଯମଦ୍ୱାର ପର୍ଯ୍ୟନ୍ତ ଏହାର
ବିସ୍ତୃତି ଅନୁମାନ କରି ଅଛନ୍ତି ।
ଏହି ନଦୀ ଉପରେ ଯାଜପୁର ନଗର
ଅବସ୍ଥିତ । ଏହି ଯାଜପୁରଠାରେ
ବୈତରଣୀ ନଦୀର ଏକ ପାର୍ଶ୍ୱରେ
ବରାହନାଥଙ୍କ ମନ୍ଦିର ଓ ଅପର
ପାର୍ଶ୍ୱରେ ସପ୍ତମାତାଙ୍କ ପୁରୀ
ପ୍ରଭୃତି ବିରାଜମାନ ରହିଅଛି ।
ଆନନ୍ଦପୁର ନାମକ କେନ୍ଦୁଝରର
ଅନ୍ତର୍ଗତ ଏକ ବୃହତ୍ ପେଣ୍ଠ
ଆଖୁଆପଦା ଏହି ନଦୀକୂଳରେ ଦଣ୍ଡାୟମାନ ।
ଓଳଖଗ୍ରାମ ପର୍ଯ୍ୟନ୍ତ ବୈତରଣୀ
ନାବ୍ୟ । ଏଥି ତଟରେ ପ୍ରସିଦ୍ଧ
ଚାନ୍ଦବାଲି ବନ୍ଦର ଅବସ୍ଥିତ।
ସାଳନ୍ଦୀ
ମୟୂରଭଞ୍ଜସ୍ଥ ମେଘାସନୀ ପାହାଡରୁ
ନିର୍ଗତ ହୋଇ,
ଅଗରପଡ଼ା ନିକଟରେ ମୋଗଲବନ୍ଦୀକୁ ସ୍ପର୍ଶ
କରି,
ଧାମରାର
କିଛି ଉପରେ ବୈତରଣୀ ସଙ୍ଗେ ମିଳିତ
ହୋଇଅଛି । ସାଳନ୍ଦୀ ଏକ ଶାଖାନଦୀଦ୍ୱାରା
ମନ୍ତେଈ ନାମକ ଅନ୍ୟ ଏକ ନଦୀ ସଙ୍ଗେ
ସଞ୍ଯୁକ୍ତ ହୋଇଅଛି । ସାଳନ୍ଦୀ ଏକ
ସୁନ୍ଦର ବକ୍ରଗମନଶୀଳା ନିମ୍ନଗା ।
ଏହାର ବାରି ସୁସ୍ୱାଦୁ,
ବାଲୁକା
ଶଯ୍ୟା ସାତିଶୟ ଚିତ୍ତବିନୋଦକ;
ଅଧିକନ୍ତୁ
ଏହାର ପାଣି ପରି ନିର୍ମଳ ପାଣି
ଓଡିଶାର କୌଣସି ନଦୀରେ ଦୃଷ୍ଟ
ହୁଅଇ ନାହିଁ । ଭଦରଖ ନଗର ଏହି
ନଦୀକୂଳରେ ଅବସ୍ଥିତ ।
କାଁଶବାଁଶ
(କାଇଁଶବାଉଁଶ)
ନୀଳଗିରି
ପାହାଡ଼ରୁ ନିର୍ଗତ ହୋଇ ସୁମଦ୍ରରେ
ପଡ଼ିଅଛି । ଏହା ଅତି କ୍ଷୁଦ୍ର ଓ
ଅନାବ୍ୟ ନଦୀ । ସୋରୋ ଗ୍ରାମ ଏଥର
ପ୍ରାୟ ଦୁଇକ୍ରୋଶ ଉତ୍ତରରେ
ଅବସ୍ଥିତ । କେଶରୀବଂଶୀୟ ରାଜାଙ୍କର
ଉତ୍ତରରେ ଏହି ନଦୀକୂଳ ପର୍ଯ୍ୟନ୍ତ
ରାଜ୍ୟ ବିସ୍ତୃତ ଥିଲା । ଏଥି ଉପରେ
ଓଡିଶାର ହିନ୍ଦୁରାଜାମାନେ
(ସମ୍ଭବତଃ
ଗଙ୍ଗବଂଶୀୟ ରାଜାମାନେ)
ଗୋଟିଏ
ସୁନ୍ଦର ପ୍ରସ୍ତରସେତୁ ନିର୍ମାଣ
କରିଥିଲେ;
ଇଂରାଜମାନେ
ତା'କୁ ଭାଙ୍ଗି ଆଉ ଗୋଟିଏ ସେତୁ
ନିର୍ମାଣ କରିଅଛନ୍ତି।
ବୁଢ଼ାବଳଙ୍ଗ
ମୟୂରଭଞ୍ଜର ଉତ୍ତରପୂର୍ବ ପାର୍ଶ୍ୱସ୍ଥ
ପର୍ବତରୁ ବହିର୍ଗତ ହୋଇ,
ବାଲେଶ୍ୱର
ଜିଲ୍ଲା ମଧ୍ୟ ଦେଇ ସମୁଦ୍ରବକ୍ଷକୁ
ପ୍ରବାହିତ ହେଉଅଛି । ବାଲେଶ୍ୱର
ନଗର ଏଥି ତୀରରେ ଅବସ୍ଥିତ,
ମଧ୍ୟ
ଏହି ବାଲେଶ୍ୱର ନଗର ପର୍ଯ୍ୟନ୍ତ
ବୁଢ଼ାବଳଙ୍ଗ ନଦୀ ନାବ୍ୟ । ନଦୀ
ମଧ୍ୟରେ ଓ ମୁହାଣରେ କ୍ରମଶଃ ଚଡ଼ା ପଡ଼ୁଅଛି । ରାଜପୁରୁଷମାନେ କୌଣସି
ଉପାୟ ଅବଲମ୍ୱନ ନ କଲେ ଓଡିଶାର
ଅନ୍ୟାନ୍ୟ ନଦୀ ପରି ଏହା ସୁଦ୍ଧା
ସମ୍ପୂର୍ଣ୍ଣ ରୂପେ ଅନାବ୍ୟ ହୋଇଯିବ ।
ଏଥିରେ ପାଣି ଲବଣାକ୍ତ ଓ ଶଯ୍ୟା
କର୍ଦ୍ଦମମୟ । ପ୍ରବଳ ବାତ୍ୟା
ଉପସ୍ଥିତି ହେଲେ ସମୁଦ୍ର ପାଣି
ଏହି ନଈ ବାଟେ ଆସି କୂଳ ଉଛୁଳି
ଅନେକ ଅନିଷ୍ଟ ସମ୍ପାଦନ କରେ ଓ
ଏହି ପ୍ରକାର ଦୁର୍ଘଟଣା ୧୮୭୩
ମସିହା ଅକ୍ଟୋବର ମାସରେ ବାଲେଶ୍ୱରଠାରେ
ଥରେ ଘଟିଥିଲା ।
ସୁବର୍ଣ୍ଣରେଖା
ବିହାର ପ୍ରଦେଶରୁ ନିର୍ଗତ ହୋଇ
ବାଲେଶ୍ୱର ଜିଲ୍ଲାର ଉତ୍ତରପୂର୍ବ
ପାର୍ଶ୍ୱ ଦେଇ ଓଡ଼ିଶାରେ ପ୍ରବେଶ
କରି ବଙ୍ଗୋପସାଗରରେ ପତିତ ହୋଇଅଛି ।
ଏହା ଅନାବ୍ୟ କିନ୍ତୁ ସୁପ୍ରଶସ୍ତ ।
ପିପିଲି ନାମକ ଏକ ଐଶ୍ୱର୍ଯ୍ୟଶାଳୀ
ବନ୍ଦର ସପ୍ତଦଶ ଶତାଦ୍ଦୀରେ ଏଥି
ମୁହାଣ ନିକଟରେ ଅବସ୍ଥିତ ଥିଲା ।
ପ୍ରଥମେ ପର୍ତ୍ତୁଗିଜମାନେ ୧୫୦୪
ଖ୍ରୀଷ୍ଟାଦ୍ଦରୁ ସେଠାକୁ ଆସି
ବାଣିଜ୍ୟ କରୁଥିଲେ । ଅନନ୍ତର
୧୬୩୪ ମସିହାରେ ସେଠାକୁ ବାଣିଜ୍ୟ
କରିବାପାଇଁ ଇଂରାଜମାନେ ଆଇଲେ ।
ଏଥିର ବାଲୁକାଶଯ୍ୟାରେ ସୁବର୍ଣ୍ଣରେଣୁ
ମିଳଇ ବୋଲି ସୁବର୍ଣ୍ଣରେଖା ନାମରେ
ଏ ନଦୀ ଖ୍ୟାତ ହୋଇଅଛି ।
ଉଲ୍ଲିଖିତ
କେତୋଟି ନଦୀ ବ୍ୟତୀତ ଅନ୍ୟାନ୍ୟ
କ୍ଷୁଦ୍ର ନଦୀ ମଧ୍ୟରେ ବାଲେଶ୍ୱର
ଜିଲ୍ଲାରେ ହାଁସକୁଡ଼ା,
ପାଞ୍ଚପଡ଼ା,
ଯାମୁକା
ଓ ଖୋର୍ଦ୍ଦାରେ ଦୟାନଦୀ ପ୍ରଧାନ ।
ଏ
ସ୍ଥାନରେ ମଧ୍ୟ ଗୋଟିକେତେ ଉତ୍ସର
ନାମୋଲ୍ଲେଖ କରିବା । ଓଡ଼ିଶା ମଧ୍ୟରେ
ଗଡ଼ଜାତ ପାହାଡ଼ମୟ ସ୍ଥାନ ଥିବାରୁ
ସେଠାରେ ଅନେକ ପ୍ରସ୍ରବଣ ଦେଖାଯାଏ ।
ଓଡ଼ିଶାର ନଦୀମାନ ଏହି ପ୍ରସ୍ରବଣମାନଙ୍କରୁ
ବିଶେଷ ଉପାଦେୟ ଲାଭ କରେ । ସବୁ
ପ୍ରସ୍ରବଣମାନଙ୍କର ଗୋଟି ଗୋଟି
କରି ଏଠାରେ ନାମୋଲ୍ଲେଖ କଲେ ବହୁ
ସ୍ଥାନ ଲାଗିବ,
ସୁତରାଂ
ଆମ୍ଭେମାନେ ଢେଙ୍କାନାଳର କପିଳାସ
ଝରଣା,
ନୟାଗଡ଼ର
କଳାଶୁଣ୍ଢିଆ ପ୍ରସ୍ରବଣ ଓ ଖୋର୍ଦ୍ଧାର
ବରୁଣେଇ ଝର ଏହି ତିନୋଟି ଉତ୍ସର
ନାମମାତ୍ର ପ୍ରକାଶ କଲୁଁ । ଖୋର୍ଦ୍ଧାର
ଅନ୍ତର୍ଗତ ଅଟ୍ରି ଗ୍ରାମ ନିକଟରେ
ମଧ୍ୟ ଗୋଟିଏ ଉଷ୍ଣପ୍ରସ୍ରବଣ
ଅଛି ।
ବି. ଦ୍ର. - ଏହି ଲେଖାଟି ପ୍ୟାରିମୋହନ ଆଚାର୍ଯ୍ୟ ଲିଖିତ 'ଓଡ଼ିଶାର ଇତିହାସ' ବହିରୁ ଆନୀତ ।
No comments:
Post a Comment