ମହାବୀର ଓ ଜୈନ ଧର୍ମ
କେଦାରନାଥ ମହାପାତ୍ର
ଧର୍ମପ୍ରଚାରରତ ଜୈନ ଭିକ୍ଷୁ (ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍) ରାଜସ୍ଥାନର ସିରୋହି ଅଞ୍ଚଳରେ ୧୬୮୦ ମସିହାରେ ଅଙ୍କିତ |
ମହାବୀର
ପ୍ରତ୍ୟେକ
ଯୁଗରେ ମହାପୁରୁଷମାନେ ଜନ୍ମ
ଗ୍ରହଣ କରି ଭାରତରେ ନାନା ପ୍ରକାର
ଧର୍ମମତ ପ୍ରଚାର କରିଛନ୍ତି । ସେହି
ଧର୍ମମାନଙ୍କ ମଧ୍ୟରୁ ଜୈନଧର୍ମ
ଏକତମ । ଭାରତରେ ବହୁ କାଳ ବୈଦିକ
ଧର୍ମ ଚଳିଲା ପରେ,
ମହାବୀର
ନାମକ ଜଣେ ମହାପୁରୁଷ ଆଜକୁ ପ୍ରାୟ
୨୫୦୦ ବର୍ଷ ପୂର୍ବେ ଏହି ଧର୍ମ
ପ୍ରଚାର କରିଥିଲେ । ସେ ବିହାର
ପ୍ରଦେଶସ୍ଥ ‘ବୈଶାଳୀ’ ନଗରୀରେ
‘ଲିଚ୍ଛାବି’ ନାମକ ରାଜବଂଶରେ
ଜନ୍ମ ଗ୍ରହଣ କରିଥିଲେ । ପ୍ରଥମେ
ତାଙ୍କର ନାମ ଥିଲା ବର୍ଦ୍ଧମାନ
। ପିଲାଦିନୁ ସେ ସଂସାର ବିରାଗୀ
ଥିଲେ । ତାଙ୍କର ଦୁଇ ଶହ ବର୍ଷ ପୂର୍ବେ
‘ପାର୍ଶ୍ୱନାଥ’ ନାମକ ଜଣେ ସାଧୁ
ନିଜର ଧର୍ମମତ ପ୍ରଚାର କରିଥିଲେ
। ବର୍ଦ୍ଧମାନ ପ୍ରଥମେ ପାର୍ଶ୍ୱନାଥଙ୍କ
ସନ୍ୟାସୀ ସଙ୍ଘରେ ଯୋଗ ଦେଇଥିଲେ
। କିନ୍ତୁ ସେଥିରେ ତାଙ୍କ ମନ ନ
ମାନିବାରୁ ସେ ବହୁ ଚିନ୍ତା କରି
ଗୋଟିଏ ନୂତନ ଧର୍ମ ପ୍ରଚାର କଲେ
। ମହାବୀର ‘ଜୀନ’ ଥିଲେ ବା
ଇନ୍ଦ୍ରିୟମାନଙ୍କୁ ଜୟ କରି ଦିବ୍ୟ
ଜ୍ଞାନଲାଭ କରିଥିଲେ । ତେଣୁ ତାଙ୍କ
ଦ୍ୱାରା ପ୍ରଚାରିତ ଧର୍ମକୁ
ଜୈନ ଧର୍ମ କହନ୍ତି । ମହାବୀର ମଗଧ
ଓ ଅଙ୍ଗ ବା ଆଧୁନିକ ବିହାର ପ୍ରଦେଶରେ
ନିଜର ଧର୍ମ ପ୍ରଚାର କରିଥିଲେ ।
ଖ୍ରୀ:
ପୂ:
୫୨୭
ଅବ୍ଦରେ ତାଙ୍କର ମୃତ୍ୟୁ ଘଟିଥିଲା
।
ଜୈନଧର୍ମ
ଜୀବ
ଦୟା ଓ ଅହିଂସା ଏହି ଧର୍ମ ପ୍ରଧାନ
ନୀତି । ସେମାନେ ଜୀବ ହିଂସା ଭୟରେ
ରାତ୍ରିରେ ଆଲୋକ ଜାଳନ୍ତି ନାହିଁ,
ମୁହଁ
ମେଲା କରି ଶୁଅନ୍ତି ନାହିଁ ।
ପଶୁମାନଙ୍କ ପାଇଁ ପଶୁଶାଳା ଓ
ଚିକିତ୍ସାଳୟମାନ ଖୋଲନ୍ତି । ଅତି
ନଗଣ୍ୟ କୀଟ ପତଙ୍ଗକୁ ମଧ୍ୟ ମାରନ୍ତି
ନାହିଁ । ସେମାନେ ହିନ୍ଦୁମାନଙ୍କ
ପରି ପୁନର୍ଜନ୍ମ ଓ କର୍ମଫଳ ମାନନ୍ତି, କିନ୍ତୁ ବେଦକୁ ମାନନ୍ତି ନାହିଁ
। ପର୍ବ ଉତ୍ସବାଦିରେ ହିନ୍ଦୁ
ପୁରୋହିତ ନିଯୁକ୍ତ କରନ୍ତି ଓ
କେତେକ ହିନ୍ଦୁ ଦେବ ଦେବୀଙ୍କୁ
ପୂଜା କରନ୍ତି । ସେମାନଙ୍କ ମଧ୍ୟରେ
ଜାତିଭେଦ ଅଛି । ଏହି ଧର୍ମ
ହିନ୍ଦୁଧର୍ମଠାରୁ କେତେକ ପରିମାଣରେ
ପୃଥକ୍ । ସେମାନଙ୍କର ଧର୍ମଗ୍ରନ୍ଥ
ସ୍ୱତନ୍ତ୍ର ଓ ସେମାନେ ଋଷଭ ଦେବ,
ଅଜିତ,
ପାର୍ଶ୍ୱନାଥ
ପ୍ରଭୃତି ୨୪ଟି ଜୈନ ତୀର୍ଥଙ୍କରଙ୍କୁ
ପୂଜା କରନ୍ତି । ମହାବୀରଙ୍କ
ମୃତ୍ୟୁର କିଛି କାଳ ପରେ ଜୈନମାନେ
ଦୁଇ ଦଳରେ ବିଭକ୍ତ ହୋଇଥିଲେ; ଯଥା, ଶ୍ୱେତାମ୍ୱର
ଓ ଦିଗମ୍ୱର । ଶ୍ୱେତାମ୍ୱର ଜୈନମାନେ
ଧଳା ଲୁଗା ପିନ୍ଧନ୍ତି କିନ୍ତୁ
ଦିଗମ୍ୱରମାନେ ଉଲଗ୍ନ ହୋଇ ବୁଲନ୍ତି
।ହଜାରିବାଗ
ଜିଲ୍ଲାର ପରେଶନାଥ ପାହାଡ଼,
ରାଜପୁତନାର
ଆବୁ ପର୍ବତ,
କାଥିଆବାଡ଼ର
ପାଲିଟନା ପାହାଡ଼ ଏବଂ ଓଡିଶାର
ଖଣ୍ଡଗିରି ଓ ଉଦୟଗିରିରେ ଜୈନ
କୀର୍ତ୍ତିମାନ ଦେଖାଯାଏ । ଖଣ୍ଡଗିରି
ଓ ଉଦୟଗିରିରେ ଜୈନ ସନ୍ନ୍ୟାସୀମାନଙ୍କ
ପାଇଁ ଶତ ଶତ ଗୁମ୍ଫା ଖୋଳା ହୋଇଥିଲା
। ସେଗୁଡ଼ିକ ଆଜିପର୍ଯ୍ୟନ୍ତ ରହିଛି
। ଆଜିକାଲି ଭାରତର ନାନା ସ୍ଥାନରେ
ଜୈନମାନେ ଦେଖା ଯାଆନ୍ତି । ସେମାନେ
ସାଧାରଣତଃ ବ୍ୟବସାୟୀ ଓ ଧନୀ ।
ବି.ଦ୍ର. - ଏହି ଲେଖାଟି 'ଅଭିନବ
ଭାରତ ଇତିହାସ' ବହିରୁ ନିଆଯାଇଛି । ପୁସ୍ତକଟି କେଦାରନାଥ ମହାପାତ୍ରଙ୍କ ଦ୍ୱାରା ୬ଷ୍ଠ
ଓ ୭ମ ଶ୍ରେଣୀ ନିମନ୍ତେ ପାଠ୍ୟପୁସ୍ତକ ଭାବରେ ଲିଖିତ ଓ ଷ୍ଟ୍ୟୁଡ଼େଣ୍ଟ୍ସ୍ ଷ୍ଟୋର୍ଙ୍କ ଦ୍ୱାରା ୧୯୩୮ ମସିହାରେ ପ୍ରକାଶିତ । ସୃଜନିକ ସଂସ୍ଥାଙ୍କ ସୂତ୍ରରୁ ବହିଟି ମିଳିଥିବାରୁ ଆମେ ତାଙ୍କ ପାଖରେ କୃତଜ୍ଞ ।
No comments:
Post a Comment