ଓଡ଼ିଶାର ଉପକୂଳବର୍ତ୍ତୀ ସମତଳ ଅଞ୍ଚଳ
ଲେଖକ - ବି. ଏନ୍. ସିଂ
ଅନୁବାଦକ - ହେମନ୍ତ କୁମାର ଦାସ
୧୫୪୦ରେ ଅଙ୍କିତ ଓଡ଼ିଆ ଦମ୍ପତିଙ୍କର ଚିତ୍ର (ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍) ଉତ୍ସ, ପର୍ତୁଗୀଜ ଗ୍ରନ୍ଥ, 'କୋଦିସ୍ କାସାନାତେନ୍ସ୍' |
ଭାରତର
ପୂର୍ବ ଉପକୂଳରେ ଉତ୍ତରପୂର୍ବ
ଦିଗରେ ସୁବର୍ଣ୍ଣରେଖା ଠାରୁ
ଆରମ୍ଭ କରି ଦକ୍ଷିଣ ପଶ୍ଚିମରେ
ଋଷିକୂଲ୍ୟା ପର୍ଯ୍ୟନ୍ତ ଓଡ଼ିଶାର
ଉପକୂଳବର୍ତ୍ତୀ ସମତଳ ଅଞ୍ଚଳ
ପରିବ୍ୟାପ୍ତ । ଏହି ଉର୍ବର ସମତଳ
ଅଞ୍ଚଳକୁ ଓଡ଼ିଶାର ଶସ୍ୟାଗାର
ବୋଲି କୁହା ଯାଇ ଥାଏ । ଏହା ଉତ୍ତର ଭାଗରେ
ସଙ୍କୀର୍ଣ୍ଣ, ମଧ୍ୟାଂଶରେ ଅତି
ପ୍ରଶସ୍ତ, ଚିଲିକା ଉପକୂଳରେ
ଅତିସଙ୍କୀର୍ଣ୍ଣ ଏବଂ ଦକ୍ଷିଣାରେ
ଓସାରିଆ । ଏହି ଅଞ୍ଚଳଟି ହେଉଛି
ମୁଖ୍ୟତଃ ଛଅଟି ବୃହତ ନଦୀର ଅବଦାନ
। ଏହି ନଦୀମାନେ ଉପର ଭାଗରୁ ପଟୁ ମାଟି
ବହି ଆଣି ବଙ୍ଗୋପସାଗର ଗର୍ଭରୁ
ଏହି ଅଞ୍ଚଳର ପୁନରୁଦ୍ଧାର କରିଛନ୍ତି
ବୋଲି କୁହା ଯାଇ ପାରେ । ଉତ୍ତରରୁ
ଦକ୍ଷିଣ ଆଡ଼କୁ
ସବୁର୍ଣ୍ଣରେଖା, ବୁଢ଼ାବଳଙ୍ଗ, ବୈତରଣୀ, ବ୍ରାହ୍ମଣୀ, ମହାନଦୀ
ଏବଂ ଋଷିକୂଲ୍ୟା ପ୍ରଭୃତି ନଦୀ
ଏହି ଅଞ୍ଚଳର ସୃଷ୍ଟି ତଥା ବିକାଶ
ନିମନ୍ତେ ମୁଖ୍ୟତଃ ଦାୟୀ । ଏହି
ସମତଳ ଅଞ୍ଚଳକୁ ଛଅଟି ତ୍ରିକୋଣଭୂମିର
ସମାହାର ବୋଲି କୁହାଯାଇପାରେ ।
ତେବେ ଅଧିକାଂଶ ନଦୀ ପ୍ରକୃତ
ତ୍ରିକୋଣ ଭୂମିର ସମାହାର ବୋଲି
କୁହା ଯାଇ ପାରେ । ତେବେ ଅଧିକାଂଶ
ନଦୀ ପ୍ରକୃତ ତ୍ରିକୋଣଭୂମି
ସୃଷ୍ଟି କରିବାରେ ବ୍ୟର୍ଥ ହୋଇଛନ୍ତି
(ଆକାର
ଦୃଷ୍ଟିରୁ)
।
ଚେନ୍ନାଇ ଠାରୁ ଆନ୍ଧ୍ର ଉପକୂଳ ଦେଇ
ଓଡ଼ିଶାର ଉପକୂଳ ଗତି କରୁଥିବା
ସାମୁଦ୍ରିକ ସ୍ରୋତ ଯୋଗୁଁ ଏପରି
ହୋଇଛି । ଏହି ସମତଳ ଅଞ୍ଚଳର
ନିର୍ମାଣରେ ଅବଦାନ ଦୃଷ୍ଟିରୁ
ନଦୀଗୁଡ଼ିକର ସ୍ଥାନ ନିମ୍ନ ମତେ
ସ୍ଥିର କରା ଯାଇ ପାରେ । ସେଗୁଡ଼ିକ
ହେଲା ମହାନଦୀ, ବ୍ରାହ୍ଣଣୀ, ବୈତରଣୀ, ସୁବର୍ଣ୍ଣରେଖା, ଋଷିକୂଲ୍ୟା
ଏବଂ ବୁଢ଼ାବଳଙ୍ଗ । ନଦୀ ଗୁଡ଼ିକର
ଦୈର୍ଘ୍ୟ, ଅବବାହିକାର
କ୍ଷେତ୍ରଫଳ ପ୍ରବାହର ଗତି ତଥା
ସେମାନେ ବହି ଆସୁଥିବା କ୍ଷେତ୍ରର
ଭୂପ୍ରକୃତି ଦୃଷ୍ଟିରୁ ଏହି ଭଳି
ନିର୍ଣ୍ଣୟ କରା ଯାଇଛି । ସାଧାରଣ
ଦୃଷ୍ଟିରୁ ବ୍ରାହ୍ମଣୀ ଓ ବୈତରାଣୀ
ନଦୀର ତ୍ରିକୋଣଭୂମି ମହାନଦୀର ତ୍ରିକୋଣଭୂମି ତୁଳନାରେ ଯଥେଷ୍ଟ ଅପରିବର୍ତ୍ତନୀୟ
।
ମହାନଦୀ
କ୍ଷେତ୍ରରେ ଦକ୍ଷିଣ ପଶ୍ଚିମରୁ
ପ୍ରବାହିତ ହେଉଥିବା ଉପକୂଳବର୍ତ୍ତୀ
ସାମୁଦ୍ରିକ ସ୍ରୋତ ଏହି ଭଳି
ତ୍ରିକୋଣଭୂମି ନିର୍ମାଣର ଅନ୍ତରାୟ
ସ୍ୱରୂପ ହେଉଛି । ଦକ୍ଷିଣ ଏବଂ
ଉତ୍ତରରୁ ଯଥା କ୍ରମେ ମହାନଦୀ ଏବଂ
ବୈତରଣୀର ଶାଖା ନଦୀଗୁଡ଼ିକର
ଅନୁପ୍ରବେଶ ଦ୍ୱାରା ବ୍ରାହ୍ମଣୀ ନଦୀର
ତ୍ରିକୋଣଭୂମିର ବିକାଶ ବିଶେଷ ଭାବରେ
କ୍ଷୟଗ୍ରସ୍ତ ହେଉଛି । ଅବସ୍ଥିତି
ଦୃଷ୍ଚିରୁ ଉପକୂଳବର୍ତ୍ତୀ ସମତଳ
ଅଞ୍ଚଳକୁ ନିମ୍ନ ମତେ ବିଭକ୍ତ
କରା ଯାଇ ପାରେ ।
(କ) ଉତ୍ତରସ୍ଥ
ଉପକୂଳବର୍ତ୍ତୀ ସମତଳ ଅଞ୍ଚଳ -
ବୈତରଣୀ
ନଦୀ ପର୍ଯ୍ୟନ୍ତ
ବିସ୍ତୃତ ସୁବର୍ଣ୍ଣରେଖା ଓ
ବୁଢ଼଼ାବଳଙ୍ଗର ତ୍ରିକୋଣଭୂମି
।
(ଖ) ମଧ୍ୟ
ଉପକୂଳବର୍ତ୍ତୀ ସମତଳ ଅଞ୍ଚଳ -
ବୈତରଣୀ
ନଦୀ, ବ୍ରାହ୍ମଣୀ
ଓ ମହାନଦୀ ର ମିଳିତ ତ୍ରିକୋଣଭୂମି
।
(ଗ) ଦକ୍ଷିଣସ୍ଥ
ଉପକୂଳବର୍ତ୍ତୀ ଅଞ୍ଚଳ - ଋଷିକୂଲ୍ୟା
ସମତଳ ଅଞ୍ଚଳ ।
ଗଠନ
ଦୃଷ୍ଟିରୁ ଏହି ଉପକୂଳବର୍ତ୍ତୀ
ସମତଳ ଅଞ୍ଚଳକୁ ବେଳାଭୂମି ସହିତ
ସମାନ୍ତରାଳ ଭାବରେ ତିନୋଟି ବିଭାଗରେ
ବିଭକ୍ତ କରା ଯାଇ ପାରେ ।
୧) ଉପକୂଳ
ସଂଲଗ୍ନ ଲୁଣାଅଞ୍ଚଳ
୨) ଚାଷଯୋଗ୍ୟ
ଅଥବା ଧାନ ଉତ୍ପାଦନ ଯୋଗ୍ୟ
ମଧ୍ୟଞ୍ଚଳ
୩) ପଶ୍ଚିମସ୍ଥ
ପାହାଡ଼ିଆ ଅଞ୍ଚଳ
ଲୁଣାଅଞ୍ଚଳ
ତଟରେଖା ଠାରୁ ୪.୮ରୁ
୯.୬ କି.ମି
ପର୍ଯ୍ୟନ୍ତ ସ୍ଥଳ ଭାଗ ଆଡ଼କୁ
ବ୍ୟାପିଥିବା ଅଞ୍ଚଳ । ଏହା ହେଉଛି ଏକ
ଅଣଓସାରିଆ ଅଞ୍ଚଳ । ଅନେକ ସ୍ଥାନରେ
ଏହା ଲୁଣ ଦ୍ୱାରା ପୂର୍ଣ୍ଣ ଏବଂ
ଏହି କାରଣରୁ ଚାଷ ପାଇଁ ସମ୍ପୂର୍ଣ୍ଣ
ଅନୁପଯୁକ୍ତ । ଅନେକ କ୍ଷୀଣସ୍ରୋତା
ଲୁଣା ପାଣିର ନାଳି ଏହି ଅଞ୍ଚଳକୁ
ଦୁର୍ଗମ କରିଛି । ବେଳାଭୂମି ଆଡ଼଼କୁ
ଏହି ଲୁଣା ଅଞ୍ଚଳ ୧୬ରୁ ୨୬ ମିଟର
ଉଚ୍ଚ ଅଣଓସାରିଆ ବାଲି ବନ୍ଧ ଓ
ବାଲିକୁଦ ସହିତ ମିଶି ଯାଇଛି ।
ଏହା ସାଧାରଣତଃ ତିନୋଟି ସମାନ୍ତରାଳ
ବନ୍ଧ ଯୋଗୁଁ ହୋଇଛି ଏବଂ ଉପକୂଳର
ଉତ୍ଥାଥାନ ଯୋଗୁ ସମୁଦ୍ର କ୍ରମଶଃ
ଘୁଞ୍ଚି ଯିବାରୁ ଏହି ଅବସ୍ଥା
ସୃଷ୍ଟି ହୋଇଛି । ମହାନଦୀ ଅବବାହିକାରେ
ଏହି ଲୁଣା ଅଞ୍ଚଳ ଘଞ୍ଚ ଜୁଆରିଆ
ଅରଣ୍ୟ ଦ୍ୱାରା ପରିପୂର୍ଣ୍ଣ
ହୋଇଛି । ଏବଂ ପାରାଦ୍ୱୀପ ଧାମରା
ଉପକୂଳ ପର୍ଯ୍ୟନ୍ତ ବ୍ୟାପିଛି
। ଏହାକୁ କ୍ଷୁଦ୍ର ସୁନ୍ଦରବନ
କୁହାଯାଏ । ଦେବୀ ଦୟା ଅଞ୍ଚଳରେ
ଝାଉଁ ଗଛର ଅରଣ୍ୟ ଦେଖାଯାଏ ଏବଂ
ସେଠାରେ ଝାଉଁ ଗଛ ମଧ୍ୟ ଲଗା ଯାଇଛି
। ଉପକୂଳ ଅରଣ୍ୟାଞ୍ଚଳ ଗୋଟିଏ
ଅଣଓସାରିଆ ଚାରଣଭୂମି ସହିତ
ମିଶି ଯାଇଛି ।
କୃଷିଯୋଗ୍ୟ
ଅଞ୍ଚଳ, ତୃଣ ଭୂମି ଅଞ୍ଚଳ, ଏହି
ବିସ୍ତୀର୍ଣ୍ଣ ସମତଳଭୂମି ସହିତ
କ୍ରମଶଃ ମିଶି ଯାଇଛି; ଯେଉଁଠାରେ
ପାହାଡ଼ ଶୂନ୍ୟ (ବିହୀନ)
ବିସ୍ତୀର୍ଣ୍ଣ
ସମତଳଭୂମି ହେଉଛି ଏକ ବିଶେଷ ଲକ୍ଷଣ
। ଦିଗନ୍ତ ବିସ୍ତାରୀ ଧାନକ୍ଷେତ
ଏହାର ଅନ୍ୟତମ ଲକ୍ଷ୍ୟଣ । ମୃତ ନଦୀର
ପରିତ୍ୟକ୍ତ ଉଚ୍ଚ ବନ୍ଧ ବ୍ୟତୀତ
ଏଠାରେ ଆଉ ଉଚ୍ଚ ଭୂମି ନାହିଁ କହିଲେ
ଚଳେ । ବାର୍ଷିକ ବନ୍ୟା ଦାଉରୁ
ରକ୍ଷା ପାଇବା ନିମନ୍ତେ ଗ୍ରାମବାସୀମାନେ
ଏଗୁଡ଼ିକୁ ଅଧିକାର କରିନେଇ
ଗ୍ରାମମାନ ବସାଇ ଅଛନ୍ତି ।
ପ୍ରାକୃତିକ
ନଦୀବନ୍ଧଗୁଡ଼ିକ ଉଚ୍ଚ ହୋଇ ଯାଇ ଥିବାରୁ
ପ୍ରବଳ ବନ୍ୟା ସମୟରେ ବିସ୍ତୃତ
ଅଞ୍ଚଳ ଜଳପ୍ଲାବିତ ହୋଇଥାଏ ।
ଏହା ଦ୍ୱାରା ପ୍ରଚୁର ଧନଜୀବନ, କୃଷି
ଓ ପଶୁସମ୍ପଦର କ୍ଷୟକ୍ଷତି ଘଟେ
। ଏହି କୃଷିଯୋଗ୍ୟ ଅଞ୍ଚଳର କିଛି
ଅଂଶ ବନ୍ୟା ଦାଉରୁ ସୁରକ୍ଷିତ ଏବଂ
ମହାନଦୀ, ବ୍ରାହ୍ମଣୀ
ତଥା ସାଳନ୍ଦୀରୁ ବାହାରି ଥିବା
କେନାଲ ଦ୍ୱାରା ଜଳସେଚିତ ହୁଏ ।
କୃଷି ଦୃଷ୍ଟିରୁ ଏହି ଅଞ୍ଚଳଟି
ହେଉଛି ସମଗ୍ର ଓଡ଼ିଶାର ସମୃଦ୍ଧ
ଅଞ୍ଚଳ ।
ବି. ଦ୍ର. - ଏହି ଲେଖାଟି 'ଓଡ଼ିଶାର
ଭୂଗୋଳ' ବହିର ୨୦୧୪ ମସିହାରେ ପ୍ରକାଶିତ ଦ୍ୱିତୀୟ ସଂସ୍କରଣରୁ ନିଆଯାଇଛି । ମୂଳ ଇଂରାଜୀ ବହିଟିର ଲେଖକ ହେଲେ ବି. ଏନ୍. ସିଂହ । ପୁସ୍ତକଟିକୁ ଓଡ଼ିଆକୁ ଅନୁବାଦ କରିଛନ୍ତି, ହେମନ୍ତ
କୁମାର ଦାସ । ଓଡ଼ିଆ ଅନୁବାଦଟି ପ୍ରଥମେ ୨୦୦୭ ମସିହାରେ ଛପା ଯାଇଥିଲା । ଗ୍ରନ୍ଥଟିର ପ୍ରକାଶକ ହେଲେ, ଦିଲ୍ଲୀସ୍ଥିତ ନ୍ୟାସନାଲ
ବୁକ୍ ଟ୍ରଷ୍ଟ, ଇଣ୍ତିଆ ସଂସ୍ଥା ।
No comments:
Post a Comment