ଶିଶୁଗୀତିକା - 'ବାଇଆ ମାଆ ଯେ'

ସଙ୍ଗ୍ରାହକ - ପ୍ରସନ୍ନ କୁମାର ମିଶ୍ର

ୱିକିମିଡିଆ କମନ୍ସ୍

ବାଇଆ ମାଆ ଯେ ନ ଖାଏ ଖୁଦ

ପୁଅ ଜନମ କଲା ପୋହଲା ବିଦ ।

ପୁଅକୁ ଶ୍ୱାଇଲା ହିଡ଼ ମୁଣ୍ଡାରେ

ପିମ୍ପୁଡ଼ି ଖାଇଲେ କାନ ମୁଣ୍ଡାରେ ।

କାନ ମୁଣ୍ଡା ଗଲା ଶୀତଳ ହୋଇ

ପୁଅ କାନ୍ଦୁଅଛି ବିକଳ ହୋଇ ।

ବାଇଆ ମା' ଯେ ସରୁ କାଟେଣୀ

ପୁଅକୁ ପିନ୍ଧାଏ ପାଟ ପତନୀ

ଝିଅକୁ ପିନ୍ଧାଏ ନେତ

ଆପେ ପିନ୍ଧିଥାଏ କଳା ବଉଦ

ଉଡ଼ାଇ ନେଉଛି ଭୂତ ।

ବି.ଦ୍ର. - ଏହି ଗୀତଟି ପ୍ରସନ୍ନ କୁମାର ମିଶ୍ରଙ୍କ ଦ୍ୱାରା ସଙ୍କଳିତ 'ଓଡ଼ିଆ ଲୋକଗୀତ' ବହିରୁ ନିଆ ଯାଇଅଛି । ବହିଟି ନୂଆଦିଲ୍ଲୀସ୍ଥ 'ସାହିତ୍ୟ ଅକାଦେମୀ'ଙ୍କ ଦ୍ୱାରା ପ୍ରଥମେ ୧୯୯୪ ମସିହାରେ ପ୍ରକାଶିତ । ଗୀତଟି ପୁସ୍ତକର ୨୦୧୩ ମସିହାରେ ପ୍ରକାଶିତ ଦ୍ୱିତୀୟ ସଂସ୍କରଣରୁ ସଙ୍ଗୃହିତ ।