ଆମେରିକୀୟ କବି ଜଏସ୍ କିଲ୍ମର୍ଙ୍କ କବିତା 'ବୃକ୍ଷଠାରୁ ଅଧିକ ମନୋହର'
ଅନୁବାଦିକା - ଆତ୍ମଜା
ଚିତ୍ର - 'ଅଣ୍ଡର୍ ଦି ବାନ୍ୟନ୍ ଟ୍ରି' (୧୯୩୧ ମସିହାରେ ଅଙ୍କିତ) ଚିତ୍ରକର: ଚାର୍ଲ୍ସ୍ ଡବ୍ଲ୍ୟୁ. ବାର୍ଟ୍ଲେଟ୍ (୧୮୬୦ - ୧୯୪୦) ଫଟୋ କ୍ରେଡ଼ିଟ - ୱିକିମିଡିଆ କମନ୍ସ୍ |
ବୃକ୍ଷ ଠାରୁ ଅଧିକ ମନୋହର କେବେ
କବିତାଟେ ଦେଖି ନାହିଁ,
ଦେଖିବାର ସମ୍ଭାବନା ନାହିଁ ।
ଯେ ବୃକ୍ଷ କ୍ଷୁଧାରେ ତା'ର
ଅଧରରେ ଚାପି ଧରେ
ଏ ଧରାର ସୁମଧୁର ଉଛୁଳା ସ୍ତନକୁ;
ଚତୁଷ୍ପାର୍ଶ୍ୱେ ଚାହିଁ ଦେଖେ ଇଶ୍ୱରତତ୍ତ୍ୱକୁ,
ବାହୁ ତା'ର ତୋଳି କରେ
ପ୍ରାର୍ଥନା ତା' ପ୍ରଭୁ ପାଦେ,
ପର୍ଣ୍ଣ ହସ୍ତ ଥାଏ ସଦା, ସମର୍ପିତ ଭାବେ ।
ତା' କେଶର ଆଶ୍ରୟରେ
ଗଭାରେ ସେ ନାଇ ପାରେ
ଗ୍ରୀଷ୍ମ କାଳେ ବିହଙ୍ଗର ଛୋଟ ନୀଡ଼ଟିଏ;
ବକ୍ଷ ସ୍ଥଳେ ପଡ଼େ ଯା'ର ଶିଶିରର ହେମାଳ ବେଳାରେ
ତୁଷାରର ଆସ୍ତରଣ ପ୍ରସ୍ତ ପ୍ରସ୍ତ ହୋଇ
ତା' ତନୁକୁ ଦିଏ ଯେ ଘୋଡ଼ାଇ;
ବରଷାର ଜଳଧାରା
ତା' ଶରୀର ସିକ୍ତ କରେ
ତା' ସାଥିରେ ରହେ ସେ ଯେ ଅନ୍ତରଙ୍ଗ ଭାବେ ।
ବୃକ୍ଷ ପରି ଆଲେଖଟେ
ଲେଖି ମୁଁ ପାରିବି ନାହିଁ ।
ମୋ ପରି ଅଧମ ଜନ କବିତା ରଚନ୍ତି;
ବୃକ୍ଷର ସର୍ଜନା ମାତ୍ର ଈଷ ହିଁ କରନ୍ତି ।
No comments:
Post a Comment