ଖ୍ରୀଷ୍ଟପୂର୍ବ ସପ୍ତମ ଶତାବ୍ଦୀଠାରୁ ଖ୍ରୀ.ପୂ. ତୃତୀୟ ଶତାବ୍ଦୀ ପର୍ଯ୍ୟନ୍ତ ଭାରତର ଅବସ୍ଥା
କେଦାରନାଥ ମହାପାତ୍ର
ଖ୍ରୀଷ୍ଟପୂର୍ବ ଚତୁର୍ଥ-ପଞ୍ଚମ ଶତାବ୍ଦୀର ମଗଧର ମୁଦ୍ରା (ୱିକିମିଡିଆ କମନ୍ସ୍) |
ଖ୍ରୀ:
ପୂ:
ସପ୍ତମ
ଶତାବ୍ଦୀଠାରୁ ଜୈନ ଓ ବୌଦ୍ଧମାନଙ୍କର
ଗ୍ରନ୍ଥ ଓ ହିନ୍ଦୁ ପୁରାଣମାନଙ୍କର
ଭାରତର ଧାରାବାହିକ ଇତିହାସ ମିଳେ
। ସେଥିରୁ ଜଣାଯାଏ ଯେ, ସେତେବେଳେ
ଭାରତର ଅଧିକାଂଶ ଅଞ୍ଚଳ ଅରଣ୍ୟରେ
ପୂର୍ଣ୍ଣ ଥିଲା । ଉତ୍ତର ଭାରତରେ
୧୬ଟି ଛୋଟ ଛୋଟ ସ୍ୱାଧୀନ ରାଜ୍ୟ
ଥିଲା । ଯଥା ଗାନ୍ଧାର (ଉତ୍ତର
ପଶ୍ଚିମ ସୀମାନ୍ତ ପ୍ରଦେଶ),
କୁରୁକ୍ଷେତ୍ର,
ଶୂରସେନ,
ପାଞ୍ଚାଳ,
ମତ୍ସ୍ୟ,
କୋଶଳ
(ଅଯୋଧ୍ୟା),
କାଶୀ,
ବିଦେହ,
ମଗଧ,
ଅଙ୍ଗ,
ବଙ୍ଗ,
କଳିଙ୍ଗ,
ବୈଶାଳୀ,
ବତ୍ସ,
ଅବନ୍ତୀ
(ମାଳବ)
ଓ
ସୌରାଷ୍ଟ୍ର (କାଥିଆବାଡ)
।
ଏହି ରାଜ୍ୟଗୁଡ଼ିକ ଭିନ୍ନ ଭିନ୍ନ
ରାଜବଂଶ ଦ୍ୱାରା ଶାସିତ ହେଉଥିଲା
। ସେତେବେଳେ ଭାରତରେ କେହି
ଚକ୍ରବର୍ତ୍ତୀ ରାଜା ନ ଥିଲେ ।
ରାଜ୍ୟମାନଙ୍କ ମଧ୍ୟରେ ସର୍ବଦା
ଯୁଦ୍ଧବିଗ୍ରହ ଲାଗୁ ଥିଲା ।
ସେତେବେଳେ
କେତେକ ରାଜ୍ୟରେ ‘ଗଣତନ୍ତ୍ର’
ଶାସନ ଚଳୁଥିଲା । ଅର୍ଥାତ୍ ସେଠାରେ
ରାଜାମାନେ ରାଜତ୍ୱ କରୁ ନ ଥିଲେ
। ରାଜ୍ୟର ମୁଖିଆ ମୁଖିଆ ଲୋକ ବା
‘ଗଣଜ୍ୟେଷ୍ଠ’ମାନଙ୍କର ଗୋଟିଏ
ସଭା ଥିଲା । ଏହି ସଭାର ନାମ ‘ପରିଷଦ’
। ଗୋଟିଏ ବଡ଼ ଘରେ ଏହି
ପରିଷଦର ବୈଠକ ହେଉଥିଲା । ଏହି
‘ପରିଷଦ’ ଦ୍ୱାରା ରାଜ୍ୟର ଶାସନ
କାର୍ଯ୍ୟ ଚଳୁଥିଲା । ପରିଷଦର
ଜ୍ୟେଷ୍ଠ ବ୍ୟକ୍ତିଙ୍କୁ ସମୟେ
ସମୟେ ରାଜା ବୋଲି କହୁଥିଲେ ।
ସେ
କାଳର ‘ଗଣ’ମାନଙ୍କ ମଧ୍ୟରେ
‘ମାଳବଗଣ’, ବିହାରରେ
‘ଲଚ୍ଛାବିଗଣ’ ପ୍ରଧାନ ଥିଲା । ଉତ୍ତର
ଭାରତର ରାଜ୍ୟମାନଙ୍କ ମଧ୍ୟରେ
କୋଶଳ ଓ ମଗଧ ରାଜ୍ୟ ପ୍ରଧାନ ଥିଲା
। ଶ୍ରାବସ୍ତି କୋଶଳ ରାଜ୍ୟର
ରାଜଧାନୀ ଥିଲା ।
ବି.ଦ୍ର. - ଏହି ଲେଖାଟି 'ଅଭିନବ ଭାରତ ଇତିହାସ' ବହିରୁ ନିଆଯାଇଛି । ପୁସ୍ତକଟି କେଦାରନାଥ ମହାପାତ୍ରଙ୍କ ଦ୍ୱାରା ୬ଷ୍ଠ ଓ ୭ମ ଶ୍ରେଣୀ ନିମନ୍ତେ ପାଠ୍ୟପୁସ୍ତକ ଭାବରେ ଲିଖିତ ଓ ଷ୍ଟ୍ୟୁଡ଼େଣ୍ଟ୍ସ୍ ଷ୍ଟୋର୍ଙ୍କ ଦ୍ୱାରା ୧୯୩୮ ମସିହାରେ ପ୍ରକାଶିତ । ସୃଜନିକ ସଂସ୍ଥାଙ୍କ ସୂତ୍ରରୁ ବହିଟି ମିଳିଥିବାରୁ ଆମେ ତାଙ୍କ ପାଖରେ କୃତଜ୍ଞ ।
No comments:
Post a Comment