ପିଲାଙ୍କ ପାଇଁ କବିତା - 'ଓଲଟପୁରର ଲୋକ'
କବି - ଜଗନ୍ନାଥ ପ୍ରସାଦ ଦାସ
ଲୁଇ କାରଲ୍ଙ୍କର ବହି 'ଥୃ ଦି ଲୁକିଙ୍ଗ୍ ଗ୍ଲାସ୍'ର ଅଳଙ୍କରଣ (ୱିକିମିଡିଆ କମନ୍ସ୍) |
ରାତିରେ କରନ୍ତି କାମ ଶୁଅନ୍ତି ଦିନରେ
ଆଖିରେ ଶୁଣନ୍ତି ଆଉ ଦେଖନ୍ତି କାନରେ ।
ଶୀତ ଦିନେ ଖାଲି ଦିହ ଖରାରେ କମ୍ବଳ
କ' ଖ' ନୁହେଁ ତାଙ୍କ ପାଠ ହଯବରଳ ।
ମୁଣ୍ଡରେ ରଖନ୍ତି ଜୋତା ପଗଡ଼ି ପାଦରେ
ଖଟ ତଳେ ଆରାମରେ ଶୁଅନ୍ତି ନିଦରେ ।
ଖୁସିରେ କାନ୍ଦନ୍ତି ଆଉ ହସନ୍ତି ଦୁଃଖରେ
ତାଙ୍କ ଭଳି ସୁଖୀ ଲୋକ ନ ଥିବେ ଭୂତଳେ ।
ବି.ଦ୍ର. - ଏହି କବିତାଟି ଜଗନ୍ନାଥ ପ୍ରସାଦ ଦାସ ଲିଖିତ ବହି 'ଆନମାନ'ରୁ ନିଆଯାଇଅଛି । ବହିଟି ଭୁବନେଶ୍ୱରସ୍ଥ ପ୍ରକାଶନ ସଂସ୍ଥା ଟାଇମପାସ ୨୦୧୬ ମସିହାର ମାର୍ଚ୍ଚ ମାସରେ ଛପାଇଥିଲେ ।
No comments:
Post a Comment